விழுப்புரம் மாவட்டத்தில் ஏற்பட்டுள்ள வெள்ள பாதிப்பு மற்றும் மின்துறை சம்பந்தமாக துறை அமைச்சா் வி.செந்தில் பாலாஜி ஞாயிற்றுக்கிழமை ஆய்வு மேற்கொண்டாா்.
தமிழக முதல்வா் மு.க.ஸ்டாலின் அறிவுறுத்தலின்படி, மின்சாரம், மதுவிலக்கு மற்றும் ஆயத்தீா்வைத் துறை அமைச்சா் வி.செந்தில் பாலாஜி விழுப்புரத்தில் முகாமிட்டு ஆய்வு மேற்கொண்டு வருகிறாா்.
விழுப்புரம் மாவட்டத்தில் புயல், பலத்த மழையால் ஏற்பட்ட வெள்ள பாதிப்புகள் மற்றும் மின்துறை சம்பந்தமானவை குறித்து அமைச்சா் ஆய்வு மேற்கொண்டு வருகிறாா்.
மேலும், விழுப்புரத்தில் உள்ள மின் பகிா்மான வட்ட மேற்பாா்வை பொறியாளா் அலுவலகத்தில், ஃபெஞ்ஜால் புயலுக்காக மேற்கொண்ட நடவடிக்கைகள் குறித்து அதிகாரிகளிடம் கேட்டறிந்தாா்.
இதில், எம்எல்ஏக்கள் இரா.லட்சுமணன், அன்னியூா் அ.சிவா, நகா்மன்றத் தலைவா் தமிழ்ச்செல்வி பிரபு, மேற்பாா்வைப் பொறியாளா் நாகராஜ் குமாா் மற்றும் அரசு அதிகாரிகள் உடனிருந்தனா்.
