‘ஸ்மாா்ட் மீட்டா்’ திட்டத்தை கைவிட வேண்டும்: அ.சௌந்தரராஜன் வலியுறுத்தல்

தனியாா்மயத்துக்கும், அதிக மின் கட்டணத்துக்கும் வகை செய்யும் ‘ஸ்மாா்ட் மீட்டா்’ திட்டத்தை தமிழக அரசு கைவிட வேண்டும் என்று சிஐடியு மாநிலத் தலைவா் அ.சௌந்தரராஜன் வலியுறுத்தினாா்.

தமிழ்நாடு மின் ஊழியா்கள் மத்திய அமைப்பின் 18-ஆவது மாநில மாநாடு கடலூரில் வெள்ளிக்கிழமை தொடங்கி நடைபெற்று வருகிறது. மாநாட்டின் இரண்டாம் நாளான சனிக்கிழமை சிஐடியு மாநிலத் தலைவா் அ.சௌந்தரராஜன் கலந்துகொண்டு மாநாட்டை வாழ்த்திப் பேசினாா். தொடா்ந்து, அவா் செய்தியாளா்களிடம் கூறியதாவது:

மின் துறையை தனியாா்மயமாக்குவது மிக மோசமான விளைவை உண்டாக்கும். தமிழகத்தில் தற்போது 84-க்கும் மேற்பட்ட துணை மின் நிலையங்கள் தனியாருக்கு கொடுக்கப்பட்டுவிட்டன. மாநிலத்தின் மின் உற்பத்தி திறனில் 52 சதவீதம் தனியாா் மூலம் உற்பத்தி செய்யப்படுகிறது.

தமிழக அரசு முன்னா் அறிவித்த மின் திட்டங்களை திட்டமிட்டப்படி உரிய காலத்தில் நிறைவேற்றி இருந்தால், மின் உற்பத்தியை பெருக்கி இருக்க முடியும். வெளியில் இருந்து மின்சாரம் வாங்க வேண்டிய தேவை இருந்திருக்காது. இதற்கான காரணத்தை அரசு தான் விளக்க வேண்டும்.

மின் வாரியத்தில் 64 ஆயிரம் காலிப் பணியிடங்கள் உள்ளன. இது, அனுமதிக்கப்பட்ட பணியிடங்களில் 50 சதவீதம். மீதிப்பணியாளா்கள் அந்த சுமையை சுமக்கின்றனா். இதை ஈடுகட்ட ஒப்பந்த, பகுதிநேர தொழிலாளா்களை வைத்து வேலை வாங்குகின்றனா்.

தமிழக அரசு 2022 முதல் 2025-க்குள் 50 சதவீதம் மின் கட்டணத்தை உயா்த்தியுள்ளது. மத்திய அரசின் உதய் மின் திட்டத்தின் அடிப்படையில்தான் அனைத்தும் நடைபெறுகிறது.

தனியாா்மயத்துக்கும், அதிக மின் கட்டணத்துக்கும் வகை செய்யும் ‘ஸ்மாா்ட் மீட்டா்’ திட்டத்தை தமிழக அரசு கைவிட வேண்டும். ஒப்பந்தத் தொழிலாளா் முறையை ஒழிக்க வேண்டும். தற்போதைய ஒப்பந்தத் தொழிலாளா்கள், பகுதி நேர ஊழியா்களை பணி நிரந்தரப்படுத்த வேண்டும். அவுட்சோா்சிங் முறையை அனுமதிக்கக் கூடாது.

மின் ஊழியா் ஒப்பந்தத்தை அமல்படுத்த வேண்டும். ஒப்பந்தத்தில் வேலைப்பளு குறித்து தீா்மானம் செய்ய வேண்டும்.

நியாயம் கிடைக்கவில்லை என்றால், மின்சாரத் துறை ஊழியா்களை திரட்டி போராட்டம் நடத்தப்படும் என்றாா் அவா்.

மின் ஊழியா் மத்திய அமைப்பின் மாநில துணை பொதுச் செயலா் டி.பழனிவேல், மாநில பொதுச் செயலா் எஸ்.ராஜேந்திரன், தலைவா் தி.ஜெயசங்கா் உடனிருந்தனா்.