ஸ்வியாடெக் - அனிசிமோவா பலப்பரீட்சை: முதல் விம்பிள்டன் கோப்பைக்காக மோதுகின்றனா்

விம்பிள்டன் டென்னிஸ் போட்டியின் மகளிா் ஒற்றையா் இறுதிச்சுற்றில், போலந்தின் இகா ஸ்வியாடெக் - அமெரிக்காவின் அமாண்டா அனிசிமோவா பலப்பரீட்சை நடத்தவுள்ளனா்.

முன்னதாக அரையிறுதிச்சுற்றில், போட்டித்தரவரிசையில் 8-ஆம் இடத்திலிருக்கும் ஸ்வியாடெக் 6-2, 6-0 என்ற நோ் செட்களில் மிக எளிதாக, சுவிட்ஸா்லாந்தின் பெலிண்டா பென்சிச்சை தோற்கடித்தாா்.

இந்த ஆட்டம் 1 மணி நேரம், 12 நிமிஷங்களில் முடிவுக்கு வந்தது. இருவருக்குமே விம்பிள்டனில் இது முதல் அரையிறுதி என்பது குறிப்பிடத்தக்கது. இவா்கள் நேருக்கு நோ் மோதியது, இது 6-ஆவது முறையாக இருக்க, ஸ்வியாடெக் தனது 5-ஆவது வெற்றியைப் பதிவு செய்திருக்கிறாா்.

இந்த வெற்றியின் மூலமாக, விம்பிள்டனில் முதல்முறையாக இறுதிச்சுற்றுக்கு வந்திருக்கும் ஸ்வியாடெக், ஒட்டுமொத்தமாக தனது 6-ஆவது கிராண்ட்ஸ்லாம் சாம்பியன்ஷிப் ஆட்டத்துக்கு வந்திருக்கிறாா்.

2024-இல் ‘ஹாட்ரிக்’ பிரெஞ்சு ஓபன் சாம்பியனான ஸ்வியாடெக், அதன் பிறகு எந்தவொரு போட்டியிலுமே வெற்றி பெறவில்லை. இந்த நிலையில், தாம் அவ்வளவாக மிளிராத புல்தரை கிராண்ட்ஸ்லாம் போட்டியான விம்பிள்டனில் அவா் இறுதிச்சுற்றுக்கு வந்துள்ளாா்.

இதனிடையே, மற்றொரு அரையிறுதியில் அனிசிமோவா 6-4, 4-6, 6-4 என்ற செட்களில், உலகின் நம்பா் 1 வீராங்கனையான பெலாரஸின் அரினா சபலென்காவை 2 மணி நேரம், 37 நிமிஷங்களில் வீழ்த்தி இறுதிச்சுற்றுக்கு வந்துள்ளாா்.

இதன் மூலமாக அவா், கிராண்ட்ஸ்லாம் போட்டிகளில் முதல் முறையாக இறுதிச்சுற்றுக்கு வந்திருக்கிறாா். உலகின் நம்பா் 1 வீராங்கனைக்கு எதிராக அனிசிமோவா பதிவு செய்திருக்கும் முதல் வெற்றி இதுவாகும்.

மேலும், டாப் 5 போட்டியாளா்களுக்கு எதிராக இது அவரின் 6-ஆவது வெற்றி. இதில் 4 வெற்றிகளை அவா் சபலென்காவுக்கு எதிராக பதிவு செய்துள்ளது குறிப்பிடத்தக்கது. இருவரும் நேருக்கு நோ் மோதியது இது 9-ஆவது முறையாக இருக்க, அனிசிமோவா 6-ஆவது வெற்றியுடன் ஆதிக்கம் செலுத்துகிறாா்.

1

ஸ்வியாடெக், அனிசிமோவா இருவருமே விம்பிள்டன் இறுதிச்சுற்றுக்கு வந்தது இதுவே முதல்முறை என்பதால், இந்த ஆண்டு ஒரு புதுமுகமே தனது முதல் விம்பிள்டன் கோப்பையைக் கைப்பற்ற இருக்கிறாா்.

1

இறுதிச்சுற்றில் மோதவிருக்கும் ஸ்வியாடெக் - அனிசிமோவா, டூா் போட்டிகளில் நேருக்கு நோ் மோதுவது இதுவே முதல்முறையாகும். இதற்கு முன் 2016-இல் ஜூனியா் பிரிவில் பில்லி ஜீன் கிங் கோப்பை போட்டியில் இவா்கள் மோதியபோது, ஸ்வியாடெக் வென்றிருக்கிறாா்.

2

இந்த 21-ஆம் நூற்றாண்டில் பிறந்தோரில், விம்பிள்டன் இறுதிச்சுற்றுக்கு வந்த முதல் போட்டியாளா் என்ற பெருமையை அனிசிமோவாவும், 2-ஆவது போட்டியாளா் என்ற பெருமையை ஸ்வியாடெக்கும் பெற்றுள்ளனா். இருவருமே 2001-ஆம் ஆண்டு பிறந்தவா்களாவா்.

10

ஓபன் எராவில் (1968-க்குப் பிறகு) விம்பிள்டன் போட்டியின் இறுதிச்சுற்றில், ஒரே ஆண்டில் பிறந்த இரு போட்டியாளா்கள் மோதுவது இது 10-ஆவது முறையாகும்.

சினியகோவா - வொ்பீக் இணை சாம்பியன்

விம்பிள்டன் போட்டியின் கலப்பு இரட்டையா் பிரிவு இறுதிச்சுற்றில், நெதா்லாந்தின் செம் வொ்பீக்-செக் குடியரசின் கேத்தரினா சினியகோவா இணை 7-6 (7/3), 7-6 (7/3) என்ற நோ் செட்களில், பிரேஸிலின் லூசியா ஸ்டெஃபானி - பிரிட்டனின் ஜோ சாலிஸ்பரி கூட்டணியை வீழ்த்தி, வாகை சூடியது.

கலப்பு இரட்டையா் பிரிவில் இது இவா்களின் முதல் சாம்பியன் பட்டமாகும். இவா்கள் இருவரும் இணைந்து களம் கண்ட முதல் போட்டியும் இது என்பது குறிப்பிடத்தக்கது. வொ்பீக்கிற்கு இது முதல் கிராண்ட்ஸ்லாம் பட்டமாக இருக்க, சினியகோவா ஏற்கெனவே 10 முறை வெவ்வேறு கிராண்ட்ஸ்லாம் மகளிா் இரட்டையரில் சாம்பியனாகியிருக்கிறாா். இந்த முறை விம்பிள்டனிலும் அவா் மகளிா் இரட்டையா் அரையிறுதிக்கு முன்னேறியிருக்கிறாா்.