இதய பாதிப்புள்ள 100 பேருக்கு இலவச அறுவை சிகிச்சை மேற்கொள்ள உள்ளதாக சென்னையில் புதிதாக தொடங்கப்பட்டுள்ள ஐஸ்வா்யா மருத்துவமனை நிா்வாகிகள் தெரிவித்துள்ளனா்.
சென்னை, தரமணியில் 400 படுக்கை வசதிகளுடன் அமைக்கப்பட்டுள்ள ஐஸ்வா்யா பல்நோக்கு மருத்துவமனையை மக்கள் நல்வாழ்வுத் துறை அமைச்சா் மா.சுப்பிரமணியன், இந்து சமய அறநிலையத் துறை அமைச்சா் பி.கே.சேகா்பாபு ஆகியோா் ஞாயிற்றுக்கிழமை திறந்து வைத்தனா்.
மருத்துவமனையின் தலைவா் டாக்டா் கே.வேலுசாமி, நிறுவனா் டாக்டா் எஸ்.சந்திரலேகா, நிா்வாக இயக்குநா் அருண் முத்துவேல் ஆகியோா் அந்நிகழ்வில் பங்கேற்றனா்.
இது தொடா்பாக மருத்துவமனை நிா்வாகிகள் கூறியதாவது:
பழைய மகாபலிபுரம் சாலையில் 12 மாடிகளுடன் அதி நவீன வசதிகளுடன் திறக்கப்பட்டுள்ள இந்த மருத்துவமனையில் 14 அறுவை சிகிச்சை அரங்குகள் உள்ளன. மொத்தம் 72 மருத்துவ சேவை துறைகள் செயல்படுகின்றன. செயற்கை நுண்ணறிவு தொழில்நுட்பத்துடன் கூடிய சிடி, எம்ஆா்ஐ, கேத் லேப், மேம்பட்ட நுண்துளையீட்டு அறுவை சிகிச்சைகள், இதயவியல், எலும்பியல், நரம்பியல், கதிரியக்கவியல், நோயியல், உயிா்வேதியியல், நுண்ணுயிரியல் மற்றும் மூலக்கூறு உயிரியல் உள்ளிட்ட உயா் சிகிச்சைத் துறைகளும் இங்குள்ளன.
தொடக்க நிகழ்வை ஒட்டி 100-க்கும் மேற்பட்டோருக்கு இலவச இதய அறுவை சிகிச்சைகள் மேற்கொள்ள திட்டமிடப்பட்டுள்ளன. கூடுதல் விவரங்களுக்கு மருத்துவமனையை அணுகலாம் என்றனா்.
