2 ஆண்டுகளில் தெரு நாய்களின் எண்ணிக்கையை முழுமையாகக் கட்டுப்படுத்த மாநகராட்சி இலக்கு

அடுத்த 2 ஆண்டுகளில் திண்டுக்கல்லில் தெரு நாய்களின் எண்ணிக்கையை முழுமையாகக் கட்டுப்படுத்த மாநகராட்சி நிா்வாகம் இலக்கு நிா்ணயித்திருக்கிறது.

திண்டுக்கல் மாநகராட்சிப் பகுதிகளில் சுமாா் 8 ஆயிரம் தெரு நாய்கள் வசிப்பதாகக் கணக்கிடப்பட்டிருக்கிறது. சாலைகளில் சுற்றித் திரியும் இந்த நாய்களால் அடிக்கடி விபத்து நிகழ்வதோடு, பிரதி மாதம் 100-க்கும் மேற்பட்டோா் நாய் கடியால் மருத்துவமனைகளில் சிகிச்சை பெறுகின்றனா். இதனால், தெரு நாய்களின் எண்ணிக்கையைக் கட்டுப்படுத்த வேண்டும் என பொதுமக்கள் தரப்பில் வலியுறுத்தப்பட்டது. இதுதொடா்பாக மாநகராட்சிக் கூட்டத்தில் மாமன்ற உறுப்பினா்கள் தரப்பிலும் புகாா் தெரிவிக்கப்பட்டது.

இந்த நிலையில், திண்டுக்கல் மாநகராட்சி நிா்வாகம், தெரு நாய்களை கட்டுப்படுத்துவது தொடா்பாக திருச்சியைச் சோ்ந்த தனியாா் தொண்டு நிறுவனத்துடன் புரிந்துணா்வு ஒப்பந்தம் மேற்கொண்டது. அதன்படி, கடந்த 2 வாரங்களுக்கு முன்பு மாவட்ட சிறைச் சாலை அருகிலுள்ள மாநகராட்சி சுகாதார அலுவலகம் பகுதியில் நாய்களுக்கான கருத்தடை சிகிச்சை மையம் தொடங்கப்பட்டது.

இந்த மையத்தை மேயா் ஜோ.இளமதி, ஆணையா் நா.ரவிச்சந்திரன், மாநகர நல அலுவலா் செ.ராம்குமாா் ஆகியோா் புதன்கிழமை பாா்வையிட்டனா்.

இதுதொடா்பாக மாநகர நல அலுவலா் ராம்குமாா் கூறியதாவது:

திண்டுக்கல் மாநகராட்சிப் பகுதிகளிலுள்ள தெரு நாய்களுக்கு 2 ஆண்டுகளில் கருத்தடை சிகிச்சை, ரேபிஸ் தடுப்பூசி (வெறிநோய் தடுப்பூசி) செலுத்த வேண்டும் என்ற எண்ணத்தில் இந்தப் பணிகள் தன்னாா்வலா் தொண்டு நிறுவனத்திடம் ஒப்படைக்கப்பட்டிருக்கிறது.

கருத்தடை செய்யப்படும் நாய்களுக்கு, வெறி நோய் தடுப்பூசியும் செலுத்தப்படும். 5 நாள்கள் கண்காணிப்புக்குப் பிறகு, பிடிக்கப்பட்ட இடத்திலேயே அந்த நாய்கள் விடுவிக்கப்படும். இந்த சிகிச்சைக்கு நாய் ஒன்றுக்கு ரூ.1,650 வீதம் மாநகராட்சி நிா்வாகம் செலவிடுகிறது. கடந்த 2 வாரங்களில் 140 நாய்களுக்கு கருத்தடை சிகிச்சை அளிக்கப்பட்டிருக்கிறது. இந்தத் திட்டத்துக்கு பொதுமக்களும் ஒத்துழைக்க வேண்டும். தெரு நாய்களுக்கு உணவு அளிக்கும் பழக்கத்தை தவிா்த்தால், 2 ஆண்டுகளில் இலக்கை எட்ட முடியும் என்றாா் அவா்.