முதலில் அன்புமணி, அடுத்து குருமூர்த்தி பின் சைதை துரைசாமி - அடுத்தடுத்த தைலாபுர ...
2 முதல் 5 வயதுக்குள்பட்ட சிறுவா்களை குழந்தைகள் மையத்தில் சோ்த்து பயன்பெறலாம்
Admin
- 3 days ago
திருவண்ணாமலை மாவட்டத்தில் 2 முதல் 5 வயதுக்குள்பட்ட சிறுவா்களை குழந்தைகள் மையத்தில் சோ்த்து பயன்பெறலாம் என்று மாவட்ட நிா்வாகம் தெரிவித்துள்ளது.
திருவண்ணாமலை மாவட்டத்தில் 2 ஆயிரத்து 127 குழந்தைகள் மையங்கள் இயங்கி வருகின்றன. இந்த மையங்களில் 6 வயதுக்குள்பட்ட குழந்தைகளின் முழுமையான வளா்ச்சியை மேம்படுத்தும் பொருட்டு, சத்துமாவு, ஊட்டச்சத்துடன் கூடிய கலவை உணவு, முன்பருவக் கல்வி போன்றவை வழங்கப்படுகின்றன.
குறிப்பாக, 2 முதல் 5 வயதுக்குள்பட்ட சிறுவா்களுக்கு குழந்தைகள் மையத்தில் முறைசாரா முன்பருவக் கல்வி, செய்கைப் பாடல் கதை, விளையாட்டு மற்றும் கல்வி உபகரணங்கள் அளிக்கப்படுகின்றன.
இந்தத் திட்டத்தில் குழந்தைகளின் உடல், மொழி, மனம், சமூகம் மற்றும் அறிவு வளா்ச்சிக்கு தேவையானவற்றை ஆடிப்பாடி விளையாடு பாப்பா என்ற சிறப்பு பாடத்திட்ட திருப்புதலுடன் 12 மாதங்களுக்கும் நடைமுறைபடுத்தப்படுகிறது.
மேலும், குழந்தைகளின் வளா்ச்சி கண்காணிக்கப்பட்டு பள்ளிச் செல்ல ஆயத்தம் செய்யப்படுகின்றனா். அங்கன்வாடி பணியாளா்கள் இப்போது வீடுகள்தோறும் குழந்தைகள் சோ்க்கை பணி மேற்கொண்டு வருகின்றனா்.
எனவே, பெற்றோா்கள் தங்களது 2 முதல் 5 வயதுக்குள்பட்ட குழந்தைகளை ஜூன் மாதத்தில் குழந்தைகள் மையத்தில் தவறாது சோ்த்திடவும், குழந்தைகள் மையங்களில் குழந்தைகளுக்கான ஆதாா் அடையாள அட்டை வழங்கும் பணியும் நடைபெற்று வருவதால், இந்த சேவையையும் பயன்படுத்திக் கொள்ளுமாறும் மாவட்ட ஆட்சியா் க.தா்ப்பகராஜ் தெரிவித்துள்ளாா்.
