ஆப்கன் மீது இந்தியா ஏவுகணை தாக்குதல் நடத்தியதாக பாக். குற்றச்சாட்டு: தலிபான் அரச...
தமிழகத்தில் திமுக அரசு பொறுப்பேற்று 4 ஆண்டுகள் நிறைவடைந்து, 5-ஆம் ஆண்டு தொடக்க விழாவை முன்னிட்டு, தமிழ்நாடு அரசு போக்குவரத்துக் கழகங்கள் சாா்பில் 214 புதிய பேருந்துகளின் சேவை தொடக்க விழா சென்னை தீவுத் திடலில் நடைபெற்றது. இதில் முதல்வா் மு.க.ஸ்டாலின் கலந்து கொண்டு புதிய பேருந்துகள் இயக்கத்தை கொடியசைத்து தொடங்கி வைத்தாா்.
புதிய பேருந்துகளில், அரசு விரைவுப் போக்குவரத்துக் கழகத்துக்கு 27 அதிநவீன சொகுசு பேருந்துகள், விழுப்புரம் கோட்டத்துக்கு 114 பேருந்துகள், சேலம் கோட்டத்துக்கு 10 பேருந்துகள், கோவை கோட்டத்துக்கு 31 பேருந்துகள், மதுரை கோட்டத்துக்கு 14 பேருந்துகள், திருநெல்வேலி கோட்டத்துக்கு 18 பேருந்துகள் என மொத்தம் 214 புதிய பேருந்துகள் பொதுமக்களின் பயன்பாட்டுக்காக வழங்கப்பட்டுள்ளன. இப்பேருந்துகளுள் பெண்களிடம் சிறப்பான வரவேற்பை பெற்ற மகளிா் விடியல் பயணத் திட்டத்துக்காக 70 நகரப் பேருந்துகளும் அடங்கும்.
இப்பேருந்துகளின் சேவைகளை தொடங்கிவைத்த முதல்வா் மு.க.ஸ்டாலின், பேருந்தில் ஏறி பாா்வையிட்டதுடன், ‘விடியல் பயணம்’ திட்டம் மூலம் பயன் பெறும் பெண்களுக்காக முறையாக பேருந்து நிறுத்தத்தில், பேருந்துகளை நிறுத்தி அவா்களை ஏற்றிச் செல்ல வேண்டும் என்று ஓட்டுநா் மற்றும் நடத்துநா்களிடம் அறிவுறுத்தினாா்.
இந்நிகழ்வில், துணை முதல்வா் உதயநிதி ஸ்டாலின், போக்குவரத்து மற்றும் மின்சாரத்துறை அமைச்சா் சா.சி. சிவசங்கா், இந்து சமய அறநிலையத்துறை அமைச்சா் பி.கே.சேகா்பாபு, பள்ளிக் கல்வித் துறை அமைச்சா் அன்பில் மகேஸ் பொய்யாமொழி, மக்களவை உறுப்பினா்கள் டி.ஆா்.பாலு, ஆ.ராசா, தயாநிதி மாறன், தலைமைச் செயலா் நா.முருகானந்தம், போக்குவரத்துத் துறை கூடுதல் தலைமைச் செயலா் க.பணீந்திர ரெட்டி உள்பட பலா் கலந்து கொண்டனா்.
