உச்சநீதிமன்ற நீதிபதிகள் வந்தது சரி, பிரதமர் எப்போது வருவார்?காங்கிரஸ் கேள்வி!
சங்கமம் - நம்ம ஊரு திருவிழாவுக்கான கலைக் குழுக்கள் தோ்வு வேலூா் மாவட்டத்தில் சனி, ஞாயிற்றுக்கிழமை (மாா்ச் 22, 23) ஆகிய இரு நாள்கள் நடைபெற உள்ளதாக மாவட்ட ஆட்சியா் வி.ஆா்.சுப்புலட்சுமி தெரிவித்துள்ளாா்.
இது குறித்து அவா் வெளியிட்ட செய்திக் குறிப்பு:
தமிழக அரசின் கலை பண்பாட்டுத் துறை சாா்பில், சென்னையில் பொங்கல் விழாவின்போது, தமிழக நாட்டுப்புறக் கலைகள், அயல் மாநில நாட்டுப் புறக் கலைகள், செவ்வியல் கலைகள் இடம்பெறும் வகையில், சென்னை- நம்ம ஊரு திருவிழா சென்னையில் 18 இடங்களில் நடத்தப்பட்டு வருகிறது.
கடந்தாண்டு கோவை, தஞ்சை, வேலூா், சேலம், திருநெல்வேலி, காஞ்சிபுரம், மதுரை, திருச்சி ஆகிய 8 இடங்களில் நம்ம ஊரு திருவிழா நடத்தப்பட்டது. இந்த ஆண்டும் அதே 8 இடங்களிலும் இந்தக் கலை திருவிழா நடத்தப்பட உள்ளது.
இந்த விழாவில் நிகழ்ச்சிகள் நடத்த விரும்பும் கலைக் குழுக்களின் நிகழ்ச்சிப் பதிவு தமிழகத்தின் அனைத்து மாவட்டங்களிலும் சனி, ஞாயிற்றுக்கிழமை (மாா்ச் 22, 23) ஆகிய இரு நாள்களில் காலை 10 மணி முதல் மாலை 5 மணி வரை நடைபெற உள்ளது.
நையாண்டிமேளம், கரகாட்டம், காவடியாட்டம், புரவியாட்டம், காளை ஆட்டம், மயிலாட்டம், பறையாட்டம், பம்பை கைச்சிலம்பாட்டம், இடைனம், துடும்பாட்டம், ஜிக்காட்டம், கிராமியப்பாட்டு, பல்சுவை நிகழ்ச்சி வழங்கும் கலைக் குழுக்கள் சனிக்கிழமையும், தெருக்கூத்து, இசை நாடகம், நாடகம், கனியான்கூத்து, பொம்மலாட்டம், தோல்பாவைக் கூத்து, வில்லுப்பாட்டு, தேவராட்டம், ஒயிலாட்டம், சிலம்பாட்டம், மல்லா்கம்பம், கும்மி, கோலாட்டம், மரக்கால் ஆட்டம், பரதநாட்டியம், பழங்குடியினா் நடன நிகழ்ச்சி நடத்துவோா், இதர கலைக் குழுக்களின் நிகழ்ச்சிகள் ஞாயிற்றுக்கிழமையும் வேலூா் கோட்டை அரசு அருங்காட்சியகத்தில் பதிவுகள் மேற்கொள்ளப்பட உள்ளன.
தவிர, கலைஞா்களின் கோரிக்கையின் அடிப்படையில் 38 மாவட்டங்களிலும் கலைக் குழுக்களின் நிகழ்ச்சிப் பதிவு செய்யப்பட உள்ளது. இந்தப் பதிவுக்கு வரும் கலைஞா்களுக்கு மதிப்பூதியம், போக்குவரத்து செலவினங்கள் வழங்கப்படாது. ஒவ்வொரு கலைக் குழுவின் 5 நிமிட விடியோ பதிவு செய்யப்பட்டு, கலை பண்பாட்டுத் துறையால் அமைக்கப்படும் தோ்வுக் குழு மூலம் தமிழகத்தின் 8 இடங்களிலும் சங்கமம் திருவிழாவில் நிகழ்ச்சி வழங்குவற்கான கலைக்குழுக்கள் தோ்வு செய்யப்படுவா்.
இந்த விழாக்களில் சிறப்பான நிகழ்ச்சி வழங்கிய கலைக் குழுவினா் மாநில அளவிலான தோ்வுக் குழுவால் தோ்வு செய்யப்பட்டு, 2026-ஆம் ஆண்டு சென்னை சங்கமம் விழாவில் வாய்ப்பு பெறுவா். கலை பண்பாட்டுத் துறை அளித்துள்ள இந்த வாய்ப்பை அனைத்து நிகழ்ச்சி கலைஞா்களும் பயன்படுத்திக் கொள்ள வேண்டும் எனத் தெரிவிக்கப்பட்டுள்ளது.
