3 மாதங்களில் 45,681 போ் உடல் உறுப்பு தான பதிவு: ராமகிருஷ்ணா மருத்துவமனைக்கு உலக சாதனை விருது

மூன்று மாதங்களில் 45,861 பேரிடம் உறுப்பு தான பதிவு பெற்றதாக கோவை ஸ்ரீ ராமகிருஷ்ணா மருத்துவமனைக்கு உலக சாதனை விருது வழங்கப்பட்டுள்ளது.

சென்னையில் வெள்ளிக்கிழமை நடைபெற்ற நிகழ்ச்சியில் ‘வோ்ல்டு ரெக்காா்ட்ஸ் யூனியன்’ என்ற சா்வதேச அமைப்பின் பிரதிநிதிகள் ஆஸிஸ் ரேனாட், ஷரீபா ஹீப் ஆகியோா் எஸ்என்ஆா் சன்ஸ் அறக்கட்டளை நிா்வாக அறங்காவலா் ஆா்.சுந்தரிடம் அதற்கான சான்றிதழையும், விருதையும் வழங்கினா்.

இந்த நிகழ்வில் மக்கள் நல்வாழ்வுத் துறை அமைச்சா் மா.சுப்பிரமணியன், மாநில உறுப்பு மாற்று ஆணைய உறுப்பினா் செயலா் டாக்டா் என்.கோபாலகிருஷ்ணன் பங்கேற்று மருத்துவமனை நிா்வாகிகளுக்கு வாழ்த்து தெரிவித்தனா்.

அப்போது அமைச்சா் மா.சுப்பிரமணியன் பேசியதாவது:

தேசிய அளவில் உடல் உறுப்பு தானத்தில் தமிழகம் முன்னணி மாநிலமாக உள்ளது. கடந்த ஆண்டு உடல் உறுப்பு தானத்தில் தேசிய அளவில் முதலிடம் பெற்ற்கான விருதை நமது மாநிலம் பெற்றுள்ளது. இதுபோன்ற அரசின் சாதனைகளுக்கு கோவை ஸ்ரீ ராமகிருஷ்ணா மருத்துவமனை துணை நிற்பது வரவேற்கத்தக்கது.

3 மாதங்களில், 45,861 பேரிடமிருந்து உடல் உறுப்பு தான உறுதிமொழி பெறப்பட்டிருப்பது பாராட்டத்தக்க நிகழ்வு. மக்களிடம் விழிப்புணா்வு ஏற்பட்டுவிட்டாலே உடல் உறுப்பு தான நடவடிக்கைகள் பல மடங்கு அதிகரித்துவிடும்.

தமிழகத்தில் சிறுநீரக தானம் வேண்டி பதிவு செய்து 7,487 போ் காத்திருக்கின்றனா். அதேபோன்று, கல்லீரல் தானத்துக்கு 470 பேரும், இதயம், நுரையீரல் உள்ளிட்ட உறுப்புகளுக்காக பல்லாயிரக்கணக்கானோரும் காத்திருக்கின்றனா்.

மாநில உறுப்பு மாற்று ஆணைய இணையதளத்தில் 14,300 போ் உறுப்பு தானம் செய்ய முன்வந்து அதற்கான உறுதிமொழி எடுத்துள்ளனா். ஒன்றரை ஆண்டுகளில் மூளைச்சாவு அடைந்தவா்களிடம் இருந்து 483 பேரின் உடல் உறுப்புகள் தானம் பெறபட்டு, ஆயிரத்துக்கும் மேற்பட்டோரின் உயிா்கள் காப்பாற்றப்பட்டுள்ளது என்றாா் அவா்.

இந்த நிகழ்ச்சியில் எஸ்என்ஆா் சன்ஸ் அறக்கட்டளை தலைமை செயல் அதிகாரி சி.வி.ராம்குமாா், தலைமை நிா்வாக அதிகாரி டி.மகேஷ்குமாா், தகவல் தொழில்நுட்ப தலைமை நிா்வாகி டி. விஸ்வநாத், ஸ்ரீ ராமகிருஷ்ணா மருத்துவமனைக் கண்காணிப்பாளா் டாக்டா் எஸ்.அழகப்பன் உள்ளிட்டோா் கலந்துகொண்டனா்.