3 ஆண்டுகளில் 893 தொழில் புரிந்துணா்வு ஒப்பந்தங்கள்: அமைச்சா் டி.ஆா்.பி.ராஜா

கடந்த 3 ஆண்டு காலத்தில் தொழில் துறை சாா்ந்த 893 புரிந்துணா்வு ஒப்பந்தங்கள் செய்யப்பட்டுள்ளதாக அந்தத் துறை அமைச்சா் டி.ஆா்.பி.ராஜா தெரிவித்தாா்.

அதிமுக பொதுச் செயலா் எடப்பாடி பழனிசாமி எழுப்பிய கேள்விக்கு அமைச்சா் டி.ஆா்.பி.ராஜா ஞாயற்றுக்கிழமை அளித்த விளக்கம்:

சுவிட்சா்லாந்து நாட்டின் தாவோஸ் நகரின் சா்வதேச அரங்கில் நடந்த புகழ்பெற்ற உலகப் பொருளாதார மன்றத்தில் தமிழ்நாடு தனி முத்திரையைப் பதித்து உலக நாடுகளின் கவனத்தை ஈா்த்துள்ளது. ஆண்டுதோறும் இங்கு நடைபெறும் உலகப் பொருளாதார மன்றத்தில் முந்தைய அதிமுக ஆட்சியின் 10 ஆண்டு காலத்தில் தமிழ்நாடு அரசின் சாா்பில் எவரும் பங்கேற்கவில்லை.

தாவோஸ் நகரில் நடந்த உலகப் பொருளாதார மன்றக் கூட்டம் என்பது முதலீடுகளுக்கான புரிந்துணா்வு ஒப்பந்தங்களைப் போடுவதற்கான அரங்கமல்ல. உலகளாவிய தொழில் வளா்ச்சி எந்தத் திசையில் பயணிக்கிறது; அதற்கேற்ப உலகில் உள்ள நாடுகள் தங்களது தொழிற்கொள்கைகளை எப்படி வகுத்துள்ளன; அடுத்தடுத்த ஆண்டுகளில் எந்தெந்த துறையில் முதலீடுகள் பெருகும் உள்ளிட்ட தகவல்களை அறிந்துகொள்ளவும் பரிமாற்றிக்கொள்ளவுமான உலக நாடுகளின் சந்திப்பு மையம்தான் தாவோஸ் உலகப் பொருளாதார மன்றம்.

2021 மே முதல் 3 ஆண்டுகளில் தமிழ்நாடு முன்னெடுத்த தொழிற்கொள்கையாலும், முதலீட்டாளா் சந்திப்புகள், உலக முதலீட்டாளா் மாநாடு ஆகியவற்றாலும் பன்னாட்டு - உள்நாட்டு நிறுவனங்களுடன் 893 புரிந்துணா்வு ஒப்பந்தங்கள் மேற்கொள்ளப்பட்டதன் விளைவாக 19.17 லட்சம் நேரடி வேலைவாய்ப்புகளுடன் 31.53 லட்சம் மொத்த வேலைவாய்ப்புகள் உருவாவதற்கான சூழல் அமைக்கப்பட்டுள்ளது.

இந்த விவரங்கள் தாவோஸில் சந்தித்த உலக நாடுகளின் நிறுவனங்களிடம் விளக்கப்பட்டன. மேலும் அவா்களிடம் தமிழ்நாட்டில் தொழில் தொடங்க அழைப்பு விடுக்கப்பட்டுள்ளது.

இது தொடா்பாக, 50-க்கும் மேற்பட்ட சந்திப்புகள் நடந்துள்ளன. முதல்வரின் ஆட்சித்திறனால் தமிழ்நாட்டின் புகழ்க்கொடி உலக அரங்கில் உயா்ந்து பறக்கிறது.

உலக நாடுகள் வியக்கும் வகையில் தமிழ்நாட்டின் தொழிற்கட்டமைப்பும், பெண்களின் பங்களிப்பும் திராவிட மாடல் அரசின் செயல்பாடுகள் தாவோஸ் உலகப் பொருளாதார மன்றத்தில் கவனம் ஈா்த்துள்ளது என்று அவா் தெரிவித்துள்ளாா்.