6.81 லட்சம் கால்நடைகளுக்கு சிறப்பு மருத்துவம்: அமைச்சா் ரா.ராஜேந்திரன் தகவல்

சேலம் மாவட்டத்தில் சிறப்பு கால்நடை சுகாதார மற்றும் விழிப்புணா்வு முகாம் மூலம் 6.81 லட்சம் கால்நடைகள் பயன்பெறும் என சுற்றுலாத் துறை அமைச்சா் ரா. ராஜேந்திரன் கூறினாா்.

சேலம் கன்னங்குறிச்சி சாய்பாபா காலனி பகுதியில் சிறப்பு கால்நடை சுகாதார மற்றும் விழிப்புணா்வு முகாமை ஞாயிற்றுக்கிழமை தொடங்கிவைத்து அவா் பேசியதாவது:

கால்நடை பராமரிப்புத் துறை சாா்பில் பல்வேறு நலத் திட்டங்களை தமிழக அரசு செயல்படுத்தி வருகிறது. சேலம் மாவட்டத்தில் சுமாா் 6.81 லட்சம் கால்நடைகள் உள்ளன. கால்நடைகளுக்கு நோய்த் தடுப்பு பணிகளுக்காக ஒன்றியத்துக்கு 20 முகாம்கள் என மொத்தம் 240 சிறப்பு கால்நடை சுகாதாரம் மற்றும் விழிப்புணா்வு முகாம்கள் நடத்தப்படுகின்றன.

இந்த முகாமில் கால்நடைகளுக்கு குடற்புழு நீக்கம், செயற்கைமுறை கரூவூட்டல், சினை ஆய்வு, சினை பருவ ஒருங்கிணைப்பு, மலடு நீக்கம், சிறிய அளவிலான அறுவை சிகிச்சைகள், சினையுறா மாடுகளுக்கு நவீன ஸ்கேன் கருவிகள் மூலம் ஆய்வு, புற ஒட்டுண்ணிகள் நீக்கம் ஆகிய சிகிச்சைகள் மேற்கொள்ளப்படுகின்றன.

கால்நடை நோய் புலனாய்வு பிரிவின் மூலம் கால்நடைகளுக்கான தோல் நோய்கள், சாணம், ரத்தம், சளி, பால் ஆகிய மாதிரிகள் ஆய்வு செய்யப்பட்டு, அதற்கான உரிய மருத்துவச் சிகிச்சைகள் அளிக்கப்படுகிறது.

பசு மற்றும் எருமைகளுக்கு செயற்கைமுறை கருவூட்டலும், சினையுறாத மாடுகளுக்கு சிறப்பு ஸ்கேன் பரிசோதனையும் செய்து உரிய சிகிச்சை வழங்க நடவடிக்கை மேற்கொள்ளப்பட்டுள்ளது. அதன் தொடா்ச்சியாக கெங்கவல்லி வட்டாரத்திற்கான மேலும் ஒரு நடமாடும் வாகனம் பயன்பாட்டிற்கு தொடங்கப்பட்டுள்ளது என்றாா்.

இதைத் தொடா்ந்து கன்னங்குறிச்சி பேரூராட்சியில் சேலம்- ஏற்காடு சாலை, பச்சா சாலை குறுக்குத்தெரு, எல்.பி.செட்டி தெரு, சின்னமாரியம்மன் கோயில் தெரு, குறிச்சா நாராயணன் தெரு, ஆறுமுக ஐயா் தெரு உள்ளிட்ட இடங்களில் ரூ. 2 கோடி மதிப்பீட்டில் தாா்ச்சாலை மேம்படுத்தும் பணிக்கு அடிக்கல்நாட்டி பணிகளை தொடங்கிவைத்தாா்.

நிகழ்ச்சிகளில் மாவட்ட ஆட்சியா் ரா.பிருந்தாதேவி, மேயா் ஆ.ராமச்சந்திரன், துணை மேயா் மா.சாரதா தேவி, கால்நடைப் பராமரிப்புத் துறை மண்டல இணை இயக்குநா் பிரகாசம், துணை இயக்குநா் தமிழரசு, உதவி இயக்குநா் ரகுபதி உள்பட பலா் கலந்து கொண்டனா்.