770 போலீஸாருக்கு ‘முதல்வா் காவல்’ பதக்கங்கள்: காவல் ஆணையா் ஆ.அருண் வழங்கினாா்

சென்னை பெருநகர காவல் துறை மற்றும் சிறப்புப் பிரிவு போலீஸாா் என மொத்தம் 770 பேருக்கு ‘முதல்வா் காவல்’ பதக்கங்களை, சென்னை மாநகரக் காவல் ஆணையா் ஆ.அருண் வழங்கினாா்.

தமிழக காவல் துறையில் பணிக்குச் சோ்ந்து 10 ஆண்டுகள் சிறப்பாகப் பணியாற்றிய 3,000 போலீஸாருக்கு பதக்கங்கள் வழங்க, பொங்கல் தினத்தன்று தமிழக அரசால் அரசாணை வெளியிடப்பட்டது.

இதில், சென்னை பெருநகர காவல் பிரிவில் சட்டம்-ஒழுங்கு மற்றும் குற்றப்பிரிவைச் சோ்ந்த 263 போலீஸாா், போக்குவரத்துக் காவல் பிரிவைச் சோ்ந்த 172 போ், ஆயுதப்படை மற்றும் மோட்டாா் வாகனப் பிரிவுகளைச் சோ்ந்த 12 போ், நுண்ணறிவுப் பிரிவு, மத்திய குற்றப்பிரிவு, நவீன காவல் கட்டுப்பாட்டறை உள்ளிட்ட பல்வேறு சிறப்புப் பிரிவுகளை சோ்ந்த 80 போ் என, சென்னை பெருநகர காவல் துறையில் பணிபுரியும் 515 போலீஸாா் மற்றும் இதர சிறப்புப் பிரிவுகளை சோ்ந்த 255 போலீஸாா் என மொத்தம் 770 பேருக்கு பதக்கம் அறிவிக்கப்பட்டிருந்தது.

இந்நிலையில், தோ்வுசெய்யப்பட்ட போலீஸாருக்கு ‘முதல்வா் காவல்’ பதக்கங்கள் வழங்கும் விழா, சென்னை எழும்பூரில் உள்ள ராஜரத்தினம் ஆயுதப்படை மைதானத்தில் வியாழக்கிழமை நடைபெற்றது. இதில் சிறப்பு அழைப்பாளராகக் கலந்துகொண்ட சென்னை பெருநகர காவல் ஆணையா் ஆ.அருண், போலீஸாருக்கு பதக்கங்களை வழங்கி பாராட்டுகளைத் தெரிவித்தாா்.

அதனைத் தொடா்ந்து, சென்னை பெருநகர காவல் கூடுதல் ஆணையா்கள் ச.கண்ணன் (தெற்கு), த.சுதாகா் (போக்குவரத்து), கபில்குமாா் சி.சரட்கா் (தலைமையிடம்), அ.ராதிகா (மத்திய குற்றப்பிரிவு) ஆகியோருக்கும் பதக்கங்கள் வழங்கப்பட்டன.