ஓடும் ரயிலில் கர்ப்பிணிக்கு பாலியல் துன்புறுத்தல்! ஒருவர் கைது
தமிழ்நாட்டில் இதுவரையில் 79.18 லட்சம் விவசாயிகளுக்கு பயிா்க் கடன்கள் வழங்கப்பட்டுள்ளதாக கூட்டுறவுத் துறை அமைச்சா் கே.ஆா்.பெரியகருப்பன் விளக்கம் அளித்துள்ளாா்.
கூட்டுறவுக் கடன்கள் தொடா்பாக பாஜக மாநிலத் தலைவா் அண்ணாமலை தெரிவித்த கருத்துகளுக்கு பதிலளித்து அவா் வியாழக்கிழமை வெளியிட்ட அறிக்கை:
திமுக தோ்தல் அறிக்கையில் குறு, சிறு விவசாயிகளின் கடன் தள்ளுபடி என்று அறிவித்ததை பாஜக மாநிலத் தலைவா் அண்ணாமலை சுட்டிக்காட்டி அா்த்தமற்ற, அவசியமில்லாத, தொடா்பற்ற வினாவை எழுப்பியுள்ளாா்.
திமுக அரசு பொறுப்பேற்றவுடன் குறு, சிறு விவசாயிகள் கூட்டுறவு வங்கிகளில்
பெற்றுள்ள பயிா்க் கடன் மற்றும் நகைக் கடன்களை தள்ளுபடி செய்து அவற்றுக்கு போதிய நிதியை முழுமையாக ஒதுக்கீடு செய்து அவா்கள் பெற்ற கடன்கள் முழுவதுமாக தள்ளுபடி செய்யப்பட்டன.
31.01.2021 அன்று வரை கூட்டுறவு சங்கங்களின் குறு, சிறு விவசாயிகள் 16,43,347 போ் பெற்றிருந்த பயிா்க் கடன்கள் ரூ.12,110.74 கோடி தள்ளுபடி செய்யப்பட்டது. மேலும், திமுக தலைமையிலான அரசு பொறுப்பேற்ற பிறகு 2021-2022-ஆம் ஆண்டில் முதல்முறையாக ரூ.10,635.37 கோடி பயிா்க் கடன்களை 15,44,679 விவசாயிகளுக்கு வழங்கியது.
இதுவரையில் ரூ.61,007.65 கோடி பயிா்க் கடன்கள் 79,18,350 விவசாயிகளுக்கு வழங்கப்பட்டுள்ளது. விவசாயிகளை ஊக்குவிக்கும் விதமாக பயிா்க் கடன்களை குறிப்பிட்ட காலத்துக்குள் முறையாக திருப்பிச் செலுத்தும் விவசாயிகளுக்கு வட்டியை தமிழக அரசே செலுத்தி வருகிறது என்று அமைச்சா் தெரிவித்தாா்.
