Shine Tom Chacko : விபத்தில் சிக்கிய நடிகர் ஷைன் டாம் சாக்கோ... தந்தை உயிரிழந்த சோகம்

மலையாள திரையுலகில் பிரபலமான நடிகர் ஷைன் டாம் சாக்கோ. மலையாளம், தமிழ் உள்ளிட்ட மொழிகளில் தொடர்ந்து நடித்து வந்த இவர், சமீபத்தில் போதைப் பொருள் பயன்படுத்தியது தொடர்பான புகாரில் சிக்கினார். அந்த செய்தியின் மூலம் மலையாள திரையுலகில் போதைப் பொருள் பயன்பாடு குறித்த அதிர்ச்சிகர செய்திகள் வெளியானது. இதற்கிடையில், உடல்நலமில்லாமல் ஷைன் டாம் சாக்கோ சிகிச்சைப் பெற்றுவந்ததாகக் கூறப்படுகிறது.

பெங்களூருக்கு...

அதனால் தொடுபுழாவில் சிகிச்சை பெற்று வந்த அவர், நேற்று இரவு 10 மணியளவில் அவரது குடும்பத்தினரும் மருத்துவ சிகிச்சைக்காக எர்ணாகுளத்திலிருந்து பெங்களூருக்கு காரில் பயணித்துக் கொண்டிருந்தார். கார் சேலம் அருகே காலை 6 மணியளவில் சென்றுகொண்டிருக்கும்போது, எதிர்புறத்தில் வந்த லாரி ஒன்று காரில் மோதியிருக்கிறது. இந்த விபத்தில் காரின் பின்புறம் அமர்ந்திருந்த ஷைன் டாம் சாக்கோவின் தந்தை சி.பி. சாக்கோ பலத்த காயமடைந்தார்.

ஷைன் டாம் சக்கோவுக்கும் கையில் பலத்த காயமேற்பட்டிருகிறது. முதற்கட்ட தகவல்களின்படி, ஒரு லாரி அதன் பாதையில் இருந்து விலகி ஷைன் டாம் சக்கோ குடும்பத்தினர் பயணித்த கார் மீது மோதியது. மனைவியுடன் நடு வரிசையில் அமர்ந்திருந்த ஷைனின் தந்தை பலத்த காயமடைந்து பின்னர் மருத்துவமனையில் உயிரிழந்தார்.

விபத்தின் போது பின் இருக்கையில் தூங்கிக் கொண்டிருந்த ஷைன் டாம் சக்கோவின் வலது கையில் காயம் ஏற்பட்டிருக்கிறது. அவருக்கு அறுவை சிகிச்சை தேவைப்படலாம். அவரது தாயார், சகோதரர், வாகனத்தை ஓட்டி வந்த உதவியாளர் ஆகியோர் லேசான காயத்துடன் தர்மபுரியில் உள்ள ஒரு மருத்துவமனையில் சிகிச்சை பெற்று வருவதாக கூறப்படுகிறது. விபத்துக்கான காரணம் குறித்து அதிகாரிகள் விசாரித்து வருகின்றனர்.