Vidaamuyarchi: ``ட்ரெய்லரிலேயே `விடாமுயற்சி' கதை இருக்கு..!'' - ரெஜினா சொல்லும் சீக்ரெட்

``அஜித் சார் கொடுத்த கமென்ட் எனக்கு மகிழ்ச்சியைத் தருது. இந்தக் கதாபாத்திரம் கிடைச்சதை எண்ணி சந்தோஷப்படுறேன். முக்கியமாக, மகிழ் சார் இயக்கத்துல நடிக்கிறதை ரொம்பவே என்ஜாய் பண்ணினேன். அவர் ஆக்டரின் டைரக்டர். என்னை டைரக்டரின் ஆக்டர்னு சொல்லலாம். சார் கொடுத்த அந்த கதாபாத்திரத்துக்கு என்னுடைய பெஸ்ட்டை வெளில கொண்டு வர்றதுக்கு நான் ரொம்பவே உழைச்சேன். நான் கதை கேட்கப்போகும்போது வேற ஒரு கதாபாத்திரத்தைதான் எனக்கு சொன்னாங்க. அதன் பிறகுதான் இப்போ நடிச்சிருக்கிற கதாபாத்திரம் பற்றி எனக்கு சொன்னாங்க.”

``என்னுடைய படங்களில் அதிகமாக ஆக்ஷன் இருக்கணும்னு விரும்புவேன். சொல்லப்போனால், அதிகமான ஆக்ஷன் காட்சிகளும் படத்தில் இருக்கு. எனக்கு ஆக்‌ஷன் ரொம்பவே பிடிக்கும். அதுனால ஸ்டன்ட் காட்சிகளை விரும்பி பண்றேன். ஃபீமேல் கதாபாத்திரங்களும் ஆக்ஷனில் ஒரு பங்காக இருப்பதை எண்ணி சந்தோஷப்படுறேன். அஜர்பைஜான்ல இருக்கிற பக்கு பகுதியில அதிகமாக குளிரும்னு சொன்னாங்க. அதுக்கேத்த மாதிரி ஆடைகள் தயார் பண்ணிக்கணும்னு சொல்லியிருந்தாங்க. நான் கொஞ்ச நாட்கள் கழிச்சுதான் அங்க போனேன். போனதும் முதல் காட்சியிலேயே குளிர்ல நடுங்க ஆரம்பிச்சுட்டேன். ஆனால், எனக்கு குளிர் பிடிக்கும்தான்!”

``படத்துல அவர் எந்தளவுக்கு சிரத்தைக் கொடுத்து ஆக்‌ஷன் காட்சிகள்ல நடிக்கிறார்னு எல்லோருக்கும் தெரியும். ஒரு காட்சியில ஃபைடர்ஸ் எல்லோரும் தயாராகிட்டு இருந்தாங்க. அந்தக் காட்சியில அவர் சிங்கிள் டேக்ல நடிச்சு முடிச்சிட்டாரு. சுற்றி இருந்த எல்லோரும் ஆச்சரியமாக பார்த்தாங்க. திரையில பார்க்கிறதை தாண்டி நேர்ல அவர் ஆக்ஷன் காட்சிகளைப் பார்க்கிறது அவ்வளவு ரசிக்கும் வகையில இருந்தது.”

``த்ரிஷா ரொம்பவே ஃபன்னான ஒரு நபர்.அவங்ககிட்ட நான் பல விஷயங்கள் கத்துக்கிட்டேன். இத்தனை வருட கரியர்ல பல தடைகளை உடைச்சிருக்காங்க. சொல்லப்போனால், ட்ரெய்லரிலேயே படத்தின் கதை முழுவதுமாக இருக்கு. படம் பார்த்ததுக்குப் பிறகு ட்ரெய்லரைப் பார்க்கும்போது கதை என்னனு புரிஞ்சுகுவீங்க. ட்ரெய்லரிலேயே படத்தினுடைய கதைக்கான க்ளூ இருக்கும். அதைப் பற்றி பலரும் பேசவே இல்ல. ஒளிப்பதிவாளர் ஓம் பிரகாஷ் சார் அற்புதமான வேலையை படத்திற்குக் கொடுத்திருக்கிறார். நான் அவருடைய பெரிய ஃபேன்”