What to watch on Theatre: ரெட்ரோ, Tourist Family, HIT - இந்த வாரம் என்ன பார்க்கலாம்?

ரெட்ரோ (தமிழ், தெலுங்கு, இந்தி)

கார்த்திக் சுப்புராஜ் இயக்கத்தில் சூர்யாவின் நடிப்பில் உருவாகியுள்ள 'ரெட்ரோ' படத்தில், பூஜா ஹெக்டே, மலையாள நடிகர் ஜோஜூ ஜார்ஜ், சுஜித் சங்கர், நாசர், 'டாணாக்காரன்' தமிழ் எனப் பலரும் நடித்துள்ளனர். சந்தோஷ் நாரயணின் இசையமைத்திருக்கிறார். 'love laughter war' என காதல், ஆக்‌ஷன் மோடில் சூர்யா ரெட்ரோ அவதாரம் எடுத்திருக்கும் இத்திரைப்படம் மே1-ம் தேதி திரையரங்குகளில் வெளியாகவிருக்கிறது.

Tourist Family (தமிழ்)

அறிமுக இயக்குநர் அபிஷன் ஜீவிந்த் இயக்கத்தில் உருவாகியுள்ள திரைப்படம் 'டூரிஸ்ட் ஃபேமிலி' (Tourist Family). குடும்பத் தலைவனாக சசிகுமார் நடிக்க, சிம்ரன், 'ஆவேசம்' படத்தில் நடித்த மிதுன் ஜெய் சங்கர் மற்றும் யோகி பாபு, கமலேஷ், எம்.எஸ்.பாஸ்கர், ரமேஷ் திலக், பகவதி பெருமாள் உள்ளிட்ட பலர் நடித்திருக்கின்றனர். ஷான் ரோல்டன் இப்படத்திற்கு இசையமைத்திருக்கிறார்.

இலங்கையில் ஏற்பட்ட பொருளாதார வீழ்ச்சியைச் சமாளிக்க முடியாமல் வரலாற்று முக்கியத்துவம் வாய்ந்த இலங்கையின் வல்வெட்டித்துறையிலிருந்து சென்னையில் குடியேறுகிறது ஈழத் தமிழர்கள் குடும்பம். அந்த ஏரியாவே விரும்பும் ஓர் குடும்பமாக எப்படி மாறுகிறோம் என்பதுதான் கதை. ஈழத் தமிழர்கள் என்றால் அவர்கள் பட்ட கஷ்டத்தையும் வலியையும் பற்றித்தான் பேசுவார்கள். அவர்களின் கஷ்டத்தை எவ்வளவு தூரம் சந்தோஷமாக மாற்றிக்கொண்டு வாழ்கிறார்கள் என்பதைப் பற்றியாதாக இக்கதைக்களம் அமைந்திருக்கிறது. இத்திரைப்படம் மே 1-ம் தேதி திரையரங்குகளில் வெளியாகவிருக்கிறது.

HIT: The Third Case (தெலுங்கு, தமிழ், மலையாளம், இந்தி)

சைலேஷ் கொலனு இயக்கத்தில் நானி, ஶ்ரீனிதி ஷெட்டி, சமுத்திரகனி, சூர்யா ஶ்ரீனிவாஸ் உள்ளிட்டோ நடிப்பில் உருவாகியுள்ள திரைப்படம் 'HIT: The Third Case'. ஆக்‌ஷன் திரில்லர் திரைப்படமான இது மே1-ம் தேதி திரையரங்குகளில் வெளியாகவிருக்கிறது.

Thunderbolts (ஆங்கிலம்)

ஜேக் ஷ்ரையர் இயக்கத்தில் புளோரன்ஸ் பக், செபாஸ்டியன் ஸ்டான், டேவிட் ஹார்பர், வயட் ரஸ்ஸல் உள்ளிட்டோர் நடிப்பில் உருவாகியுள்ள திரைப்படம் 'Thunderbolts'. சயின்ஸ் பிக்‌ஷன் அட்வன்சர், ஆக்‌ஷன் திரில்லர் திரைப்படமான இது மே1ம் தேதி திரையரங்குகளில் வெளியாகவிருக்கிறது.

இந்த வார ஓடிடி ரிலீஸ்கள்

Costao (இந்தி) - ZEE5

Bromance (மலையாளம்) - Sony LIV

Another Simple Favor (ஆங்கிலம்) - Amazon Prime Video

Exterritorial (ஆங்கிலம்) - Netflix

The Eternaut (ஆங்கிலம்) - Netflix

Asterix & Obelix: The Big Fight - Netflix

Chef’s Table: Legends - Netflix

The Brown Heart (documentary) - Jio Hotstar

Kull: The Legacy of the Raisingghs (இந்தி) - Jio Hotstar

Black White & Grey: Love Kills (இந்தி) - Sony LIV