WI vs AUS: 27 ரன்களில் மொத்த டீமும் ஆல் அவுட்... 15 பந்துகளில் ஸ்டார்க் செய்த உலக சாதனை!
Admin
- 4 hours ago
வெஸ்ட் இண்டீஸுக்கு சுற்றுப்பயணம் சென்றிருக்கும் ஆஸ்திரேலிய அணி, கடந்த ஜூன் 25 முதல் தொடங்கிய 3 போட்டிகள் கொண்ட டெஸ்ட் தொடரை முழுமையாகக் கைப்பற்றியிருக்கிறது.
முதல் இரு போட்டிகளில் ஆஸ்திரேலியா பேட்டிங்கில் தடுமாறினாலும் முழுக்க முழுக்க பந்துவீச்சில் அபாரமாகச் செயல்பட்டு வெற்றிபெற்றது.
இத்தகைய சூழலில்தான், ஜூலை 12-ம் தேதி பகலிரவு போட்டியாக மூன்றாவது போட்டி தொடங்கியது.
முதலில் பேட்டிங் ஆடிய ஆஸ்திரேலியா வழக்கம்போல வெஸ்ட் இண்டீஸின் பவுலிங்கை எதிர்கொள்ள முடியாமல் முதல் இன்னிங்ஸில் 225 ரன்களுக்கு ஆல் அவுட் ஆனது.
ஷமார் ஜோசப் 4 விக்கெட்டுகளும், அல்சாரி ஜோசப் மற்றும் ஜஸ்டின் கிரீவ்ஸ் ஆகியோர் தலா 3 விக்கெட்டுகளும் வீழ்த்தினர்.
அதைத்தொடர்ந்து களமிறங்கிய வெஸ்ட் இண்டீஸ் பேட்ஸ்மேன்கள் தடுமாற அவர்களை 143 ரன்களுக்குச் சுருட்டியது ஆஸ்திரேலியா.
ஸ்காட் போலண்ட் 3 விக்கெட்டுகளும், கம்மின்ஸ் மற்றும் ஹேசில்வுட் ஆகியோர் தலா 2 விக்கெட்டுகளும் வீழ்த்தினர்.
82 ரன்கள் முன்னிலையுடன் இரண்டாவது இன்னிங்ஸை தொடங்கிய ஆஸ்திரேலியா 121 ரன்களுக்குச் சுருண்டது.
அல்சாரி ஜோசப் 5 விக்கெட்டுகளும், ஷமார் ஜோசப் 4 விக்கெட்டுகளும் வீழ்த்தினர்.
அடுத்து 204 ரன்கள் எடுத்தால் வெற்றி என்ற இலக்குடன் களமிறங்கிய வெஸ்ட் அணியை ஒற்றை ஆளாக முதல் ஓவரிலிருந்தே தகர்த்தார் ஸ்டார்க்.
முதல் ஓவரின் கடைசி இரண்டு பந்துகளில் இரண்டு விக்கெட்டுகள் வீழ்த்திய ஸ்டார்க், தான் அடுத்து வீசிய 9 ஒன்பது பந்துகளில் 3 விக்கெட்டுகளை வீழ்த்தி அசத்தினார்.
வெறும் 7 ரன்களுக்கு 5 விக்கெட்டுகளை இழந்து பரிதாப நிலைக்குச் சென்றது வெஸ்ட் சென்றது.
அடுத்து 14-வது ஓவரில் கண்ணிமைக்கும் நேரத்தில் ஸ்காட் போலண்ட் ஹாட்ரிக் விக்கெட் வீழ்த்த, மீதமிருந்த ஒற்றை விக்கெட்டையும் அடுத்த ஓவரிலேயே எடுத்தார் ஸ்டார்க்.
27 ரன்களில் வெஸ்ட் இண்டீஸ் ஆல் அவுட் ஆனது .
டெஸ்ட் கிரிக்கெட்டில் கடந்த 70 ஆண்டுகளில் ஒரு அணி பதிவுசெய்த குறைந்தபட்ச ஸ்கோர் இதுதான்.
ஒட்டுமொத்தமாக முதலிடத்தில், 1955-ல் இங்கிலாந்துக்கெதிரான போட்டியில் நியூசிலாந்து அடித்து 26 ரன்கள் இருக்கிறது.
இதுவொருபுறமிருக்க, இப்போட்டியின் மூலம் தனது சர்வதேச டெஸ்ட் கிரிக்கெட் கரியரில் 100-வது போட்டியில் களமிறங்கிய ஸ்டார்க், இரண்டு இன்னிங்ஸையும் சேர்த்து 7 விக்கெட்டுகளுடன் டெஸ்டில் 400 விக்கெட்டுகள் என்ற மைல்கல்லைக் கடந்தார்.
மேலும், இரண்டாவது இன்னிங்ஸில் 15 பந்துகளில் 5 விக்கெட்டுகளை வீழ்த்தியதன் மூலம் டெஸ்ட் கிரிக்கெட்டில் ஒரு இன்னிங்ஸில் மிகவும் வேகமாக (பந்துகள் அடிப்படையில்) 5 விக்கெட்டுகள் எடுத்த வீரர் என்ற உலக சாதனையை ஸ்டார்க் படைத்தார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
