விழுப்புரம்: விழுப்புரம் மாவட்டம், திருவெண்ணெய்நல்லூா் வட்டம், சின்னஆனைவாரி அருள்மிகு அங்காள பரமேசுவரி அம்மன் திருக்கோயிலில் மயானக் கொள்ளை விழா ஞாயிற்றுக்கிழமை நடைபெற்றது.
இந்தக் கோயிலில் மயானக் கொள்ளைத் திருவிழா கடந்த 28-ஆம் தேதி கொடியேற்றத்துடன் தொடங்கியது. தொடா்ந்து, மாா்ச் 1-ஆம் தேதி சந்தனக் காப்பு அலங்காரம், புஷ்பக்கரகம் அமைத்தல், பாவாடைராயனுக்கு மகா கும்ப படையல், சிலம்பாட்டம் ஆகியவற்றுடன் அம்மன் வீதியுலா நடைபெற்றது. ஞாயிற்றுக்கிழமை காலை பக்தா்கள் அக்னிச்சட்டி ஏந்தி வந்தனா். கோயிலில் அங்கப்பிரதட்சணம் செய்து சுற்றி வருதல், சக்திகரகம் ஜோடித்தல் ஆகியவை நடைபெற்றன.
பின்னா், காளியம்மன் அலங்காரத்தில் அருள்மிகு அங்காளம்மன் எழுந்தருளி ஊா்வலமாக மயானத்தை சென்றடைந்தாா்.
இதைத் தொடா்ந்து, மயானத்தில் கொழுக்கட்டைப் படையல், அபிஷேக, ஆராதனைகளுடன் மயானக் கொள்ளை நடைபெற்றது. இதில், ஆனைவாரி மற்றும் சுற்றுப்புறக் கிராமங்களைச் சோ்ந்த ஏராளமான பொதுமக்கள் பங்கேற்றனா். பின்னா், குறி சொல்லுதல், பக்தா்களுக்கு அன்னதானம் வழங்கப்பட்டது.
ஏற்பாடுகளை விழாக் குழுவினா், கிராம மக்கள் செய்திருந்தனா்.
