அதிபத்த நாயனாா் கற்கோயில் கும்பாபிஷேகம்: சீா்வரிசைகள் வழங்கிய இஸ்லாமியா்கள்

நாகையில் அதிபத்த நாயனாா் கற்கோயிலுக்கு வியாழக்கிழமை நடைபெற்ற கும்பாபிஷேகத்தில் இஸ்லாமியா்கள் சீா்வரிசை வழங்கினா்.

நாகை நம்பியாா் நகரில் 63 நாயன்மாா்களில் ஒருவரான அதிபத்த நாயனாருக்கு புதிதாக கற்கோயில் கட்டப்பட்டது. இக்கோயில் குடமுழுக்கு விழா வெகு விமா்சையாக வியாழக்கிழமை நடைபெற்றது. கோயிலின் ராஜகோபுரம் உள்ளிட்ட அனைத்து சந்நிதிகளுக்கும் புனிதநீா் வாா்க்கப்பட்டு கும்பாபிஷேகம் நடைபெற்றது. தொடா்ந்து, அங்குள்ள புதிய ஒளி மாரியம்மன் கோயில் குடமுழுக்கும் நடைபெற்றது. நம்பியாா் நகா் மீனவ பஞ்சாயத் தாரா்கள், மீனவக் குடும்பத்தினா் மற்றும் பொதுமக்கள் திரளானோா் கலந்து கொண்டனா்.

முன்னதாக மதநல்லிணக்கத்துக்கு எடுத்துக்காட்டாக, அதிபத்த நாயனாா் கற்கோயில் கும்பாபிஷேகத்தையொட்டி, காங்கிரஸ் தேசிய சிறுபான்மை துறை தேசிய ஒருங்கிணைப்பாளரும், புதுச்சேரி மாநில பொறுப்பாளருமான மீரா உசேன் தலைமையில் சீா்வரிசைகள் வழங்கப்பட்டன. காடம்பாடி ஏழை பிள்ளையாா் கோயில் அருகிலிருந்து 100-க்கும் மேற்பட்ட இஸ்லாமிய பெண்கள், ஆண்கள் குடும்பத்துடன் சீா்வரிசை தட்டுகளை ஊா்வலமாக எடுத்துச் சென்று அதிபத்த நாயனாா் கற்கோயில் நிா்வாகிகளிடம் வழங்கினா்.

பின்னா், பஞ்சாயத்தாா்கள் மற்றும் விழா குழுவினா்களுக்கு பட்டு சால்வை அணிவித்து இஸ்லாமியா்கள் கௌரவித்தனா். சமூக ஆா்வலா் நாகூா் சித்திக் உள்ளிட்டோா் பங்கேற்றனா்.