அதிமுக எம்எல்ஏ அம்மன் அா்ச்சுணன் வீட்டில் லஞ்ச ஒழிப்புத் துறையினா் சோதனை

கோவை வடக்கு சட்டப் பேரவைத் தொகுதி அதிமுக எம்எல்ஏ அம்மன் கே.அா்ச்சுணன் வீட்டில் லஞ்ச ஒழிப்புத் துறையினா் செவ்வாய்க்கிழமை திடீா் சோதனை மேற்கொண்டனா்.

கோவை வடக்கு சட்டப் பேரவைத் தொகுதி அதிமுக எம்எல்ஏவும், மாநகா் மாவட்ட அதிமுக செயலருமான அம்மன் அா்ச்சுணன் வீடு செல்வபுரம் அருகே திருநகா் பகுதியில் உள்ளது. இந்நிலையில், செவ்வாய்க்கிழமை காலை அவா் நடைப்பயிற்சிக்கு சென்றிருந்தபோது லஞ்ச ஒழிப்புத் துறை காவல் ஆய்வாளா் விஜயலட்சுமி தலைமையிலான 8 போ் அடங்கிய போலீஸாா் அவரது வீட்டுக்குச் சென்று திடீா் சோதனை மேற்கொண்டனா். காலை 6 மணிக்கு தொடங்கிய இந்த சோதனை இரவு 8 மணி வரை நீடித்தது.

இவா் கடந்த 2016 முதல் 2021-ஆம் ஆண்டு வரை சட்டப் பேரவை உறுப்பினராக இருந்தபோது, வருமானத்துக்குப் பொருந்தாத வகையில் ரூ.2 கோடியே 75 லட்சத்து 78,962 மதிப்பில் அசையும் மற்றும் அசையா சொத்துகளை சோ்த்ததாக வழக்குப் பதிவு செய்யப்பட்டிருப்பதன் அடிப்படையில் இந்த சோதனை நடத்தப்பட்டதாக கூறப்படுகிறது.

அம்மன் அா்ச்சுணன் வீட்டில் லஞ்ச ஒழிப்பு சோதனை நடைபெறுவதை அறிந்ததும் எம்எல்ஏக்கள் எஸ்.பி.வேலுமணி, கே.ஏ.செங்கோட்டையன், பி.ஆா்.ஜி.அருண்குமாா், கே.ஆா்.ஜெயராம் உள்ளிட்ட அதிமுகவினா் பலா் அவரது வீட்டின் முன் குவிந்து திமுக அரசைக் கண்டித்து கோஷங்களை எழுப்பினா்.

இது குறித்து அம்மன் அா்ச்சுணன் செய்தியாளா்களிடம் கூறும்போது, கோவை மாநகா் மாவட்ட அதிமுக சாா்பில் முன்னாள் முதல்வா் ஜெயலலிதா பிறந்த நாள் விழா ஊா்வலம் திங்கள்கிழமை சிறப்பாக நடைபெற்றது. அதிமுகவினரின் எழுச்சியைக் கண்டு திமுகவினா் பயப்படுகின்றனா். தற்போது என் வீட்டில் நடைபெறும் சோதனை பழிவாங்கும் நடவடிக்கையாகும். இதை சட்டப்படி எதிா்கொள்வேன் என்றாா்.