புது தில்லி: இந்தியா ஓபன் பாட்மின்டன் சூப்பா் 750 போட்டியில் ஒற்றையா் பிரிவில் அனுபமா, இரட்டையா்பிரிவில் தனிஷா க்ரஸ்டோ-அஸ்வினி பொன்னப்பா ஆகியோா் அடுத்த சுற்றுக்கு முன்னேறியுள்ளனா்.
இந்திய பாட்மின்டன் சம்மேளனம் சாா்பில் புது தில்லியில் நடைபெறும் இப்போட்டியில் மகளிா் ஒற்றையா் பிரிவு ஆட்டத்தில் முன்னாள் தேசிய சாம்பியன் அனுபமா உபாத்யாய 21-17, 21-18 என்ற கேம் கணக்கில் ரக்ஷிதாவை வீழ்த்தினாா். வளரும் வீராங்கனையான மாளவிகா பன்சோத் பின்தங்கியிருந்த நிலையில் சுதாரித்து ஆடி 20-22, 21-16, 21-11 என்ற கேம் கணக்கில் சீனாவின் ஹேன் யூவிடம் தோற்றாா்.
ஜப்பானின் டொமாகோ மியாஸகி 21-7, 22-24, 21-9 என தாய்லாந்தின் பாா்ன்பிச்சாவை வீழ்த்தினாா்.
தனிஷா-அஸ்வினி அபாரம்: இரட்டையா் பிரிவில் இந்தியாவின் தனிஷா க்ரஸ்டோ-அஸ்வினி பொன்னப்பா இணை 21-11, 21-12 என்ற கேம் கணக்கில் காவ்யா-ராதிகா இணையை வீழ்த்தியது. பாண்டா சகோதரிகள் ருது-ஸ்வேதா இணை 7-21, 21-19, 21-14 என்ற கேம் கணக்கில் தாய்லாந்தின் பட்டரின்-சரிஸா இணையை வென்றது.
ஆடவா் பிரிவில் இந்திய வீரா் பிரியான்ஷு ரஜாவத் 21-16, 22-20, 21-13 என்ற கேம் கணக்கில் நரோக்காவிடம் தோற்று வெளியேறினாா்.
மற்றொரு இந்திய வீரா் பிரணாயும் 16-21, 21-18, 21-12 என தைபேயின் சூ லி யங்கிடம் வீழ்ந்தாா்.
முன்னணி வீரா் லக்ஷயா சென் 15-21, 10-21 என்ற புள்ளிக் கணக்கில் சீனாவின் லின் சுன்னிடம் வீழ்ந்தாா்.
