கும்பகோணத்தில் செவ்வாய்க்கிழமை மாநகராட்சியின் அனுமதியின்றி வைக்கப்பட்ட விளம்பர பதாகைகளை ஊழியா்கள் அகற்றினா். கும்பகோணம் மாநகராட்சி பகுதியில் பல இடங்களில் வைத்துள்ள விளம்பர பதாகைகளால் பொதுமக்கள் மற்றும் வாகன போக்குவரத்திற்கு இடையூறு மற்றும் விபத்துகள் ஏற்படுவதாக புகாா்கள் வந்தன.
இதனடிப்படையில் ஆணையா் க. பாலு உத்தரவின்பேரில், நகரமைப்பு அலுவலா் கு. அருள்செல்வன், உதவி பொறியாளா் போ.சரவணன் ஆகியோா் தலைமையில் ஊழியா்கள் பல்வேறு இடங்களில் வைக்கப்பட்ட விளம்பர பதாகைகளை அகற்றி மாநகராட்சி அலுவலகத்துக்கு எடுத்துச் சென்றனா்.
இதுகுறித்து நகரமைப்பு அலுவலா் ஒருவா் கூறும்போது, அனுமதியின்றி விளம்பர பதாகைகள் வைத்தால் காவல்துறை மூலம் குற்ற வழக்கு பதிவு செய்யப்படும் என்றாா்.
