அரியலூா்: அரியலூா் வருவாய் வட்டத்தில் ஜன.22,23 ஆகிய தேதிகளில் உங்களைத் தேடி உங்கள் ஊரில் திட்ட முகாம் நடைபெறுகிறது.
இதுகுறித்து மாவட்ட ஆட்சியா் பொ. ரத்தினசாமி தெரிவித்தது:
அரியலூா் வருவாய் வட்டத்தில் ஜன.22 காலை 9 மணி முதல் ஜன.23 காலை 9 மணி வரை நடைபெறும் முகாமில் பல்வேறு துறை சாா்ந்த மாவட்ட நிலை அலுவலா்கள் அரசின் அனைத்து நலத் திட்டங்கள், சேவைகள் குறித்து ஆய்வுப்பணிகள் மேற்கொள்ள உள்ளனா். மேலும், அன்றைய தினம் குறுவட்ட அளவில் பட்டா மாறுதல் முகாமும் நடைபெறுகிறது.
எனவே, பொதுமக்கள் ஜன.21 வரை கோரிக்கை மனுக்களை உங்களைத் தேடி, உங்கள் ஊரில் திட்டம் என்று குறிப்பிட்டு அரியலூா் வட்டாட்சியரகத்தில் அளிக்கலாம்.
மேலும் ஜன.22 மாலை 4.30 மணியளவில் அரியலூா் வட்டாட்சியரகத்தில், மக்களை ஆட்சியா் சந்திக்கும்போதும் மனுக்களை அளிக்கலாம்.
