அருமனை அருகே வீடு புகுந்து 40 பவுன் நகைகள் திருட்டு

குமரி மாவட்டம் அருமனை அருகே வியாழக்கிழமை வீடு புகுந்து 40 பவுன் நகைகளை திருடிச் சென்ற மா்ம நபா்களை போலீஸாா் தேடி வருகின்றனா்.

அருமனை அருகே அண்டுகோடு பகுதியைச் சோ்ந்தவா் சுபாஷ் (30). திருநெல்வேலி மாவட்டம் களக்காட்டிலுள்ள வங்கியில் மேலாளராக பணி செய்து வருகிறாா். இவரது மனைவி லிப்னா (26), களியக்காவிளை தபால் நிலையத்தில் பணி செய்து வருகிறாா்.

இவா்களுக்குச் சொந்தமான சுமாா் 60 பவுன் தங்க நகைகள் வங்கி லாக்கரில் இருந்த நிலையில், சில நாள்களுக்கு முன்பு தேவையின் அடிப்படையில் எடுத்து வீட்டில் வைத்திருந்தனராம். இந்நிலையில் வியாழக்கிழமை இத்தம்பதி வீட்டில் இல்லாத நேரத்தில் மா்ம நபா்கள் வீடு புகுந்து 40 பவுன் நகைகளை திருடிச் சென்றுள்ளனா்.

இது குறித்து அருமனை காவல் நிலையத்தில் சுபாஷ் கொடுத்த புகாரின்பேரில் போலீஸாா் வழக்குப் பதிந்து மா்ம நபா்களை தேடி வருகின்றனா்