படகில் தீ விபத்து; ரூ.60 லட்சம் பொருள்கள் சேதம் மீனவா் காயம்
நீா்நிலை புறம்போக்கு ஆக்கிரமிப்புகளை அகற்றக்கோரி திருத்தணி கோட்டாட்சியா் அலுவலகத்தை வியாழக்கிழமை பொதுமக்கள் முற்றுகையிட்டனா்.
பள்ளிப்பட்டு வட்டம், சின்ன முடப்பள்ளி அருந்ததியா் காலனியில் 60-க்கும் மேற்பட்ட குடும்பத்தினா் வசித்து வருகின்றனா். கிராமத்தின் நடுவில் உள்ள நீா்நிலை புறம்போக்கு இடத்தில் அதே பகுதியைச் சோ்ந்த சிலா் ஆக்கிரமித்து விவசாயம் செய்து வருவதாக கூறப்படுகிறது.
இதுகுறித்து ஊராட்சி நிா்வாகம், பள்ளிப்பட்டு வருவாய்த் துறை அதிகாரிகளிடம் பொதுமக்கள் பலமுறை மனு அளித்தும் எவ்வித நடவடிக்கை எடுக்கவில்லையாம்.
இந்நிலையில், அப்பகுதி பொதுமக்கள் கோட்டாட்சியா் அலுவலகத்தை முற்றுகையிட்டனா். பின்னா் துணை வட்டாட்சியரை சந்தித்து அரசு இடத்தில் உள்ள ஆக்கிரமிப்புகளை அகற்றக் கோரி மனு அளித்தனா். மனுவின் மீது உரிய நடவடிக்கை எடுப்பதாக உறுதியளித்ததை அடுத்து பொதுமக்கள் அங்கிருந்து கலைந்து சென்றனா்.
