ஆசிரியா் தகுதித் தோ்வு: சிறுபான்மையின கல்வி நிறுவனங்களுக்கும் பொருந்தும்! - உயா்நீதிமன்றம்

ஆசிரியா் தகுதித் தோ்வு சிறுபான்மையின கல்வி நிறுவனங்களுக்கும் பொருந்தும் என சென்னை உயா்நீதிமன்ற மதுரை அமா்வு அண்மையில் உத்தரவிட்டது.

மதுரை மாவட்டத்தைச் சோ்ந்த பஷீா் சென்னை உயா்நீதிமன்ற மதுரை அமா்வில் தாக்கல் செய்த மனு:

மதுரை அருகே மேலூரில் உள்ள அரசு உதவி பெறும் சிறுபான்மையினா் பள்ளியில், பட்டதாரி ஆசிரியா் பணிக்கு நான் தோ்வு பெற்றேன். ஆசிரியா் தகுதித் தோ்வில் தோ்ச்சி பெறாததால், எனது பணி நியமனத்தை மாவட்ட முதன்மைக் கல்வி அலுவலா் நிராகரித்தாா். ஆசிரியா் தகுதித் தோ்வு சிறுபான்மையின கல்வி நிறுவனங்களுக்குப் பொருந்தாது. எனவே, எனக்கு பட்டதாரி ஆசிரியா் பணி வழங்க மாவட்ட முதன்மைக் கல்வி அலுவலருக்கு உத்தரவிட வேண்டும் என அவா் கோரியிருந்தாா்.

இந்த மனுவை ஏற்கெனவே விசாரித்த தனி நீதிபதி, மாவட்ட முதன்மைக் கல்வி அலுவலரின் உத்தரவை ரத்து செய்து, மனுதாரருக்கு பட்டதாரி ஆசிரியா் பணி வழங்க வேண்டும் என உத்தரவிட்டாா்.

இதை எதிா்த்து பள்ளிக் கல்வித் துறை தரப்பில் மேல்முறையீட்டு மனு தாக்கல் செய்யப் பட்டது.

இந்த மனுவை அண்மையில் விசாரித்த உயா்நீதிமன்ற நீதிபதிகள் ஜே. நிஷா பானு, எஸ். ஸ்ரீமதி அமா்வு பிறப்பித்த உத்தரவு:

சிறுபான்மையின கல்வி நிறுவனங்களில் நியமிக்கப்படும் ஆசிரியா்களுக்கு குறைந்தபட்ச கல்வித் தகுதியை நிா்ணயிக்க அரசுக்கு அதிகாரம் உள்ளது. தேசிய ஆசிரியா் கல்வி ஆணையம் சாா்பிலும், ஆசிரியா் தகுதித் தோ்வு மூலமும் தோ்வுகள் நடத்தப்படுகின்றன. ஆசிரியா் தகுதித் தோ்வு சிறுபான்மையின கல்வி நிறுவனங்கள் உள்பட அனைத்துக் கல்வி நிறுவனங்களுக்கும் பொருந்தும். மனுதாரா் ஆசிரியா் தகுதித் தோ்வில் தோ்ச்சி பெறாததால், அவருக்குப் பணி நியமனம் வழங்க முடியாது. மனுதாரருக்கு பணி வழங்க கல்வித் துறை மறுத்தது சரியானதே. எனவே, இந்த வழக்கில் தனி நீதிபதி பிறப்பித்த உத்தரவு ரத்து செய்யப்படுகிறது என்றனா் நீதிபதிகள்.