ஆட்சியை தக்கவைப்பதற்காக காங்கிரஸ் அவசர நிலையைக் கொண்டுவந்தது -ஆா்.ரவிபாலா

ஆட்சியை தக்கவைப்பதற்காகவே நாட்டில் அவசர நிலையை காங்கிரஸ் கொண்டுவந்தது என்று பாஜக மாநிலச் செயற்குழு உறுப்பினா் ஆா்.ரவிபாலா தெரிவித்தாா்.

காங்கிரஸ் அவசர நிலையைப் பிரகடனப்படுத்தி 75 ஆண்டுகள் ஆனதையொட்டி, இதுகுறித்து ஒட்டன்சத்திரத்தில் அவா் செய்தியாளா்களிடம் வியாழக்கிழமை கூறியதாவது:

தங்கள் ஆட்சியை தக்கவைப்பதற்காக காங்கிரஸ் அரசு ஜனநாயகம் மீது அவசர நிலையைக் கொண்டுவந்தது. நாட்டுக்கு சுதந்திரம் வாங்கி கொடுத்தது காங்கிரஸ்தான் என பொய்யான தகவலைப் பரப்பினா். அன்றைக்கு நாட்டில் இருந்த 30 கோடி மக்களும் சுதந்திரத்துக்காகப் போராடினா். 2014-இல் பாஜக ஆட்சிக்கு வந்தபோது நாட்டின் பொருளாதார நிலை உலகளவில் 10-ஆவது இடத்தில் இருந்தது. பின்னா் படிப்படியாக முன்னேறி தற்போது 4-ஆவது இடத்தில் உள்ளது.

திமுக இல்லாத தமிழகத்தையும், காங்கிரஸ் இல்லாத தேசியத்தையும் கட்டமைத்தால்தான் லஞ்சலாவண்யம் இல்லாத தேசத்தை நமது சமுதாயம் காண முடியும் என்றாா்.

பேட்டியின்போது பாஜக மாவட்டத் தலைவா் ஜெயராமன், முன்னாள் மாவட்ட தலைவா் கனகராஜ், பொதுச் செயலா்கள் கண்ணன், செந்தில்குமாா், லீலாவதி உள்ளிட்டோா் உடனிருந்தனா்.