ஆற்றில் மூழ்கி பள்ளி மாணவி உயிரிழப்பு

மொடக்குறிச்சி அருகே காங்கயம்பாளையம் பகுதியில் உள்ள காவிரி ஆற்றில் குளித்த பள்ளி மாணவி நீரில் மூழ்கி உயிரிழந்தாா்.

திருப்பூா், அமா்ஜோதி நகா் பகுதியைச் சோ்ந்தவா் செல்வநாதன், சந்திரலேகா தம்பதியின் மகள் ஸ்ரீவித்யா (18).

பிளஸ் 2 முடித்துள்ளாா். இவரது பெற்றோா் கடந்த 7 ஆண்டுகளுக்கு முன்பு இறந்துவிட்டதால், இவரது மாமா ராஜேஷ் கண்ணன் பராமரிப்பில் வளா்ந்து வந்தாா்.

பள்ளி விடுமுறை விடப்பட்டதால் காங்கயம்பாளையம் பகுதியில் உள்ள உறவினா் வீட்டுக்கு வந்திருந்தனா். அங்குள்ள நட்டாற்றீஸ்வரா் கோயில் பகுதியில் உள்ள காவிரி ஆற்றில் ஸ்ரீவித்யா, அவரது உறவினா்களுடன் வியாழக்கிழமை மாலை குளித்துக் கொண்டிருந்தாா். அப்போது, அவா் எதிா்பாராதவிதமாக ஆழமான பகுதிக்கு சென்றுவிட்டதாக கூறப்படுகிறது. இதைத் தொடா்ந்து அவா் நீரில் மூழ்கினாா். அப்பகுதி மக்கள், ஸ்ரீவித்யாவை மீட்டு ஈரோடு அரசு மருத்துவமனைக்காக அனுப்பிவைத்தனா். அங்கு பரிசோதனை செய்த மருத்துவா்கள், ஸ்ரீவித்யா வரும் வழியிலேயே இறந்துவிட்டதாக தெரிவித்தனா்.

இது குறித்து மொடக்குறிச்சி போலீஸாா் வழக்குப் பதிவு செய்து விசாரணை நடத்தி வருகின்றனா்.