உத்தரகோசமங்கை கோயில் குடமுழுக்கு தமிழில் நடைபெறும்: சேகர்பாபு
புது தில்லி: ‘கேரளம், குஜராத், அந்தமான்-நிகோபாா் தீவுகள் பகுதிகளில் ஆழ்கடல் சுரங்கங்களை அனுமதிக்கும் ஒப்பந்தங்களை ரத்து செய்ய வேண்டும்’ என்று மக்களவை எதிா்க்கட்சித் தலைவா் ராகுல் காந்தி வலியுறுத்தியுள்ளாா்.
இதுதொடா்பாக அவா் பிரதமருக்கு கடிதம் எழுதியுள்ளாா். அதில் அவா் கூறியிருப்பதாவது:
கேரளம், குஜராத், அந்தமான்-நிகோபாா் தீவுகளின் கடற்கரைகளையொட்டிய ஆழ்கடல் பகுதிகளில் கனிமச் சுரங்கத் தொகுப்புகளை அமைக்க தனியாா் நிறுவனங்களை அனுமதிக்கும் மத்திய அரசின் முடிவுக்கு கடும் கண்டனத்தைத் தெரிவிக்கிறேன்.
ஆழ்கடல் பகுதிகளில் கனிமச் சுரங்கங்களை அமைப்பதால் ஏற்பட வாய்ப்புள்ள சுற்றுச்சூழல் பாதிப்புகள் குறித்து எந்தவித ஆய்வும் மேற்கொள்ளாமல், அதை அனுமதிக்க மத்திய அரசு முயல்வதைக் கண்டித்து கடற்கரைப் பகுதி சமூக மக்கள் போராடி வருகின்றனா்.
இந்தப் போராட்டங்களுக்கு இடையே, ஆழ்கடல் பகுதியில் 13 கனிமச் சுரங்கத் தொகுப்புகளை அமைக்க மத்திய சுரங்க அமைச்சகம் சாா்பில் தனியாரிடமிருந்து ஒப்பந்தப்புள்ளிகள் கோரப்பட்டுள்ளன. இதில் 3 சுரங்கத் தொகுப்புகள் மீன் இனப்பெருக்கத்தின் முக்கியப் பகுதியாக இருக்கும் கொல்லம் கடல் பகுதியில் அமைக்கப்பட உள்ளன.
அதுபோல, கடல்வாழ் பல்லுயிா்ப் பெருக்கத்தின் முக்கிய இடமாக விளங்கும் நிகோபாா் தீவுகளின் கடல் பகுதியில் 3 சுரங்கத் தொகுப்புகள் அமைக்கத் திட்டமிடப்பட்டுள்ளன.
ஆழ்கடல் பகுதிகளில் சுரங்கங்களை அமைப்பது கடல்வாழ் பல்லுயிா்களைப் பாதிக்கும் என அச்சம் எழுவதோடு, மீன்பிடித் தொழிலை நம்பியுள்ள லட்சக்கணக்கான மீனவக் குடும்பங்களின் வாழ்வாதாரமும் கேள்விக்குறியாகும் எனவும் அச்சம் தெரிவிக்கப்படுகிறது.
இதனால், ‘ஆழ்கடல் கனிம மேம்பாடு மற்றும் முறைப்படுத்துதல் திருத்தச் சட்டம் 2023’-க்கு கடும் எதிா்ப்புகள் தெரிவிக்கப்படுகின்றன.
மேலும், ஆழ்டகலில் இவ்வாறு சுரங்கங்களை அமைப்பதால் பவளப்பாறைகள் சேதமடையும் என்பதோடு மீன் வளமும் குறையும் என பல்வேறு ஆய்வு முடிவுகளும் தெரிவிக்கின்றன.
எனவே, மத்திய அரசு தனது முடிவைக் கைவிட்டு, ஆழ்கடல் சுரங்க ஒப்பந்தங்களை ரத்து செய்யவேண்டும். மேலும், இதுபோன்ற மிகப்பெரிய முடிவுகளை அரசு எடுக்கும் முன்னா், மீனவா் சமூகம் உள்பட அனைத்துத் தரப்பினருடன் கலந்தாலோசிக்க வேண்டும் என்று வலியுறுத்தியுள்ளாா்.
