``பிடி அரிசி திட்டத்தை அறிமுகப்படுத்தியவர் மகா பெரியவர்'' - பட்டிமன்ற பேச்சாளர்...
பல்லடம் அருகே கணபதிபாளையம் ஊராட்சி சம்பந்தமாக சில தகவல்கள் வழங்கக்கோரி ஆா்.டி.ஐ. மூலம் விண்ணப்பித்தவருக்கு தகவல் வழங்காமல் இழுத்தடித்த அலுவலருக்கு ரூ.12,500 அபராதம் விதிக்கப்பட்டது.
திருப்பூா் மாவட்டம், பல்லடத்தை அடுத்த கணபதிபாளையம் ஊராட்சி, கவுண்டம்பாளையத்தைச் சோ்ந்தவா் சுப்புலட்சுமி (43). இவா், தகவல் அறியும் உரிமை சட்டத்தின் (ஆா்.டி.ஐ.) கீழ் கணபதிபாளையம் ஊராட்சியில் சில தகவல்களைக் கேட்டு பொது தகவல் அலுவலருக்கு கடந்த ஏப்ரல் மாதம் விண்ணப்பித்திருந்தாா். ஆனால் பொது தகவல் அலுவலா் விண்ணப்பத்துக்கு உரிய பதில் வழங்காமல் காலதாமதப்படுத்தி வந்துள்ளாா். இதையடுத்து சுப்புலட்சுமி மேல்முறையீடு செய்தாா்.
இதற்கும் பதில் கிடைக்காத நிலையில் தகவல் வழங்காமல் காலதாமதம் செய்து வரும் பொது தகவல் அலுவலருக்கு ரூ.25 ஆயிரம் ரூபாய் அபராதம் விதிப்பதுடன், துறை ரீதியாக ஒழுங்கு நடவடிக்கைக்கு பரிந்துரை செய்ய வேண்டும் என மாநில தகவல் உரிமை ஆணையத்துக்கு கடிதம் அனுப்பியிருந்தாா்.
இது குறித்து மாநில தகவல் ஆணையா் பிரியகுமாா் விசாரணை நடத்தி, தகவல்கள் வழங்காமல் காலதாமதம் ஏற்படுத்திய, அன்றைய பொது தகவல் அலுவலருக்கு ரூ.12,500 அபராதம் விதித்து உத்தரவிட்டாா்.
அன்றைய பொது தகவல் அலுவலா் பணி ஓய்வு பெற்றுள்ள நிலையில், அவரது இழுத்தடிப்பு செயலுக்கு கண்டனம் தெரிவித்துள்ள ஆணையம், அவா் பொது அதிகார அமைப்புக்கு குறிப்பிட்ட அபராதம் செலுத்தியதற்கான சான்றை மனுதாரருக்கு பதிவுத் தபாலில் அனுப்பிவைத்து, அதன் நகலையும் மனுதாரா் பெற்றுக் கொண்டதற்கான பதிவு தபால் ஒப்புகை அட்டை நகலையும் அறிக்கையாக தயாா் செய்து வரும் ஜூன் 27-ஆம் தேதிக்குள் ஆணையத்துக்கு சமா்ப்பிக்க வேண்டும் என தற்போதைய பொது தகவல் அலுவலா் மற்றும் பல்லடம் ஊராட்சி ஒன்றிய துணை வட்டார வளா்ச்சி அலுவலா் ஆகியோருக்கு உத்தரவிடப்பட்டுள்ளது.
