இன்று இடிக்கப்படுகிறது தில்லி மதராஸி கேம்ப்? பதற்றத்தில் தமிழ் குடும்பங்கள்!

நமது சிறப்பு நிருபா்

தில்லி நிஜாமுதீன் மதராஸி கேம்ப் தமிழா்கள் வாழும் குடியிருப்புகளை ஞாயிற்றுக்கிழமை (ஜூன் 1) இடிக்க அரசு முடிவு செய்துள்ளதாக கூறப்படுகிறது.

இதை முன்னிட்டு தில்லி அரசு அதிகாரிகளும் நகர காவல் துறையினரும் முன் ஏற்பாடுகளைச் செய்ததால் அங்கு வசிக்கும் தமிழ் குடும்பங்கள் பதற்றமடைந்து, சனிக்கிழமை இறுதிப் போராட்டத்தை நடத்தினா்.

தில்லி ஜங்புரா-நிஜாமுதீன் பாராபுல்லா வடிகால் பகுதியையொட்டியுள்ள வசிப்பிடங்கள் மதராஸி கேம்ப் என்று அழைக்கப்படும் குடிசைப்பகுதியாகும். இங்கு சுமாா் 400-க்கும் மேற்பட்ட குடும்பங்கள் சுமாா் 40 முதல் 50 ஆண்டுகளாக வசித்து வருகின்றன. இந்த இடத்தை அங்கீகாரமற்ற குடியிருப்புப் பகுதியாக தில்லி உயா்நீதிமன்றத்தில் தொடரப்பட்ட வழக்கில் தெரிவிக்கப்பட்டது. மேலும், இப்பகுதியில் ஏற்படும் வெள்ளம், பல்வேறு வளா்ச்சிப் பணிகளை முன்னிட்டு, இங்குள்ள குடியிருப்புகளை அகற்ற நீதிமன்றம் உத்தரவிட்டது. அப்போது, பாதிக்கப்பட்டவா்களுக்கு முறையான மறுவாழ்வு அளிப்பதை உறுதி செய்து இந்தக் குடியிருப்புகளை இடிக்க உயா்நீதிமன்றம் உத்தரவிட்டது.

அதன்பேரில் ஞாயிற்றுக்கிழமை காலை முதல் இந்தப் பகுதியை இடிக்கும் இடிப்பதற்கான அறிவிப்பு நோட்டீஸ் வீடுகளின் கதவுகளில் தில்லி பொதுப்பணித்துறையினரால் ஒட்டப்பட்டது.

இதைப் பாா்த்ததும் இப்பகுதியில் வசிக்கும் தமிழா்கள் கோபம் அடைந்தனா். அந்தப் பகுதியில் பதற்றம் தீவிரமடைந்தது.

இந்த விவகாரத்தில் குடியிருப்பாளா்கள் தரப்பில் விடுக்கப்பட்ட கால அவகாச கோரிக்கையை தில்லி உயா்நீதிமன்றம் நிராகரித்தது.

கடந்த சில மாதங்களாக இந்தக் குடியிருப்பு வாசிகளுக்கு ஆதரவாக தில்லி மாநில மாா்க்சிஸ்ட் கம்யூனிஸ்ட் கட்சி (சிபிஎம்), ஜனநாயாக வாலிபா் சங்கம், நாம் தமிழா் கட்சி போன்றவை பல்வேறு போராட்டங்களை நடத்தின. இந்நிலையில், மே 31-ஆம் தேதி இப்பகுதியில் சிபிஎம் உள்ளிட்ட கட்சிகள் தில்லி அரசுக்கும் ஆளும் பாஜகவிற்கு எதிரான போராட்டங்களை நடத்தின.

இது குறித்து போராட்டங்களில் ஈடுபட்ட சிபிஎம் தலைவா் ஒருவா் கூறுகையில், ‘இங்குள்ள குடியிருப்புவாசிகளுக்கு மே 20-ஆம் தேதிக்குள் அடுக்குமாடி குடியிருப்புகள் ஒதுக்க தில்லி மேம்பாட்டு ஆணையம் (டிடிஏ), தில்லி நகா்ப்புற தங்குமிட மேம்பாட்டு வாரியம் போன்றவற்றை நீதிமன்றம் கேட்டுக் கொண்டது. அங்கு அடிப்படை வசதிகள் இருப்பதை உறுதி செய்யுமாறும் நீதிமன்றம் கூறியது. ஆனால், 400 முதல் 350 குடியிருப்பு வாசிகள் உள்ளனா். இதில் 215 வீடுகள் நரேலாவில் ஒதுக்கப்பட்டு பயனா்களுக்கு வழங்கப்பட்டன. இந்த வீடுகளின் உள்கட்டமைப்பு, வசிக்கத் தகுதியற்ாக இருக்கிறது. தற்போது தில்லியில் வெப்பம் கடுமையாக உள்ளது. இங்கு ஜூன் 1-ஆம் தேதி திட்டமிட்டபடி இடிப்பு நடவடிக்கைகள் தொடங்கினால் சட்டம் - ஒழுங்கு பிரச்னைகள் உருவாக்கக்கூடும்’ என்றாா்.

இந்தப் பகுதியில் சுமாா் 50 ஆண்டுகளாக வசிக்கும் செம்மங்கலம் என்கிற கமலா, ‘ஜூன் 1-ஆம் தேதிக்கு பின்னா் ஒருவரும் இங்கு இருக்கக் கூடாது என்கின்றனா். நாங்கள் தமிழ்நாட்டுக்கா திரும்பிப்போக முடியும்? இந்தப் பகுதிக்கு என்னுடைய கணவா் ‘ பிரதானாக’ (தலைவா்) இருந்தாா். ராஜீவ் காந்தி இறந்த சமயத்தில் துக்கம் தாங்காமல் பூச்சி கொல்லி மருந்து குடித்து (தமிழ்நாட்டில்)

இறந்துவிட்டாா். பின்னா் நானும் தோ்தலில் நின்று இந்த பகுதிக்கு ‘ பிரதானாக’ (தலைவா்) இருந்தேன். இப்போது பாத்திரம் கழுவி பிழைக்கிறேன். எனக்கு மாற்று வீடு ஒதுக்கீடு இல்லை என்கிறாா்கள். ஆனால், எனக்குப் பிறகு இங்கு வந்தவா்களுக்கு வீடு ஒதுக்கீடு செய்துள்ளனா். வீடுகளை இடிக்க வண்டி வந்தால் நான் சாகவும் தாயாா்’ என்கிறாா்.

மற்றொரு குடியிருப்புவாசியான லட்சுமி, ‘இங்கே அருகேயுள்ள தமிழ்ப் பள்ளிகளில் எங்களின் குழந்தைகள் படிக்கிறாா்கள். எங்களை 50 கி.மீ. தூரத்தில் உள்ள நரேலாவிற்கு அனுப்பினால் எங்கள் குழந்தைகளின் கல்வி, எதிா்காலம் என்னவாகும்? மேலும் எங்களுக்கு புதிய இடத்தில் பாதுகாப்பு இருக்காது. ஆகவேதான் பக்கத்திலேயே குடிசை மாற்று பகுதிகளில் வீடு ஒதுக்குமாறு கேட்கிறோம். எங்களின் நிலைமை தமிழக முதல்வருக்கு தெரிய வேண்டும்’ என்கிறாா்.

மதராஸி கேம்ப்பில் வாழும் மணி கூறுகையில், ‘இங்கு வசிக்கும் 500 குடும்பங்களில் சுமாா் 150 குடும்பங்களுக்கு நரேலாவில் வீடு கிடைத்துள்ளது. ஆனால், அங்கு பெண்களுக்கு பாதுகாப்பு இல்லை. திருடா்களும், ரெளடிகளும் அதிகம். பொருள்களுக்கு பாதுகாப்பு இல்லை. இங்கு தான் எங்களுக்கு ரேஷன் காா்டு, வாக்காளா் அட்டை உள்ளது. ஆனால் எங்களின் வீடுகள் இடிக்கப்படும் அல்லது சீல் வைக்கப்படலாம் என்கிறாா்கள். மக்கள் அச்சத்தில் உள்ளனா்’ என்றாா்.

‘நாளையே வீடுகளை இடித்தால் நாங்கள் தெருவில் தான் இருப்போம். தமிழா்கள் தில்லியில் எப்படி துன்பப்படுகின்றோம் என்பது தமிழக முதல்வருக்கு தெரிய வேண்டும் என்கிறாா் இப்பகுதியைச் சோ்ந்த இட்லி கடை கண்ணன்.

இந்தப் பகுதி மக்களுக்காக உயா்நீதிமன்றத்திலும், உச்சநீதிமன்றத்திலும் வாதாடியவா் வழக்குரைஞா் பிரசன்னா. அவா் கூறுகையில், ‘தற்போதைய தில்லி பாஜக அரசுக்கும் இந்த விவகாரத்திற்கும் சம்பந்தமில்லை. இந்த விவகாரம் கடந்த 2024-ஆம் ஆண்டு செப்டம்பா் மாதமே தில்லி உயா்நீதிமன்றத்திற்கு வந்துவிட்டது. காலடிகுஞ்ச், யமுனை ஆக்கிரமிப்பு போன்ற விவகாரங்களில் பத்திரிகையாளா் ஒருவா் தாக்கல் செய்த வழக்கில் இந்த மதராஸி கேம்ப் விவகாரமும் சோ்ந்துவிட்டது. இவா்களுக்காக வழக்குரைஞா்கள் பிருந்தா குரோவா், சீனியா் முரளிதரன் போன்றோா் உயா்நீதிமன்றத்திலும் உச்சநீதிமன்றத்திலும் வாதாடினா். இதனால்தான் கடந்த 10 மாதங்களாக இந்தக் குடியிருப்புகள் இடிக்காமல் பாதுகாக்கப்பட்டன. ஆனால், தமிழா்கள் குடியிருப்புக்கு எதிராக டிடிஏ செயற் பொறியாளா் கொடுத்த அறிக்கைதான் சாதகமில்லாமல் போய்விட்டது. விதிப்படி மாற்று இடம் 5 கி.மீ. தூரத்திற்கு உள்பட்ட பகுதியில் தான் கொடுக்கவேண்டும். இந்தத் தமிழ் குடும்பங்களுக்கு அப்படி ஒதுக்கப்படாதது வேதனையானது’ என்றாா்.

இந்த விவகாரம் குறித்து தமிழக அரசின் தில்லி சிறப்புப் பிரதிநிதி ஏ.கே.எஸ். விஜயனிடம் கேட்டபோது, ‘இது குறித்து நானும் சென்னையைத் தொடா்பு கொண்டுள்ளேன்’ என்று தெரிவித்தாா்.