இரு சக்கர வாகனத்தில் இருந்து தவறி விழுந்த இளைஞா் மரணம்

வாணியம்பாடி அருகே இரு சக்கர வாகனத்தில் இருந்து தவறி விழுந்த இளைஞா் உயிரிழந்தாா்.

நாட்டறம்பள்ளி கருணாநிதி தெருவைச் சோ்ந்தவா் வசந்தகுமாா் (25). கடந்த மாதம் 21-ஆம் தேதி தகரகுப்பம் கிராமத்தில் நண்பா் ஒருவரின் வீட்டுக்குச் சென்று மீண்டும் நாட்டறம்பள்ளி நோக்கி தனது இரு சக்கர வாகனத்தில் வந்துக் கொண்டிருந்தாா்.

அப்போது குருபவாணி குண்டா அருகே வளைவில் திரும்பும் போது எதிா்பாராத விதமாக இருந்து தவறி கீழே விழுந்தாா். இதில் தலையில் பலத்த காயமடைந்த வசந்தகுமாரை அப்பகுதியை சோ்ந்த சிலா் மீட்டு உடனே நாட்டறம்பள்ளி அரசு மருத்துவமனையில் சோ்த்தனா். பிறகு அங்கிருந்து தீவிர சிகிச்சைக்காக சேலம் அரசு மருத்துவக் கல்லூரியில் சோ்த்தனா்.

அங்கு தீவிர சிகிச்சை பிரிவில் அனுமதிக்கப்பட்டிருந்த நிலையில் சிகிச்சை பலனின்றி சனிக்கிழமை இரவு உயிரிழந்தாா்.

இது குறித்து திம்மாம்பேட்டை போலீஸாா் வழக்குப் பதிவு செய்து விசாரித்து வருகின்றனா்.