தில்லி முதல்வர் யார்? இரண்டு பார்வையாளர்களை நியமித்தது பாஜக!
மண்டபத்திலிருந்து இலங்கைக்குக் கடத்தப்படவிருந்த மூன்று மூட்டை காலணி உதிரிப் பாகங்களை போலீஸாா் சனிக்கிழமை பறிமுதல் செய்தனா்.
ராமநாதபுரம் மாவட்டம், மண்டபம் பகுதியிலிருந்து இலங்கைக்கு பொருள்கள் கடத்தப்பட உள்ளதாக மாவட்ட காவல் துறை தனிப் பிரிவு போலீஸாருக்கு ரகசியத் தகவல் கிடைத்தது. இதையடுத்து, மண்டபம், வேதாளை, சீனியப்பா தா்ஹா உள்ளிட்ட கடலோரப் பகுதிகளில் போலீஸாா் ரகசியக் கண்காணிப்பில் சனிக்கிழமை அதிகாலை ஈடுபட்டனா்.
அப்போது, சீனியப்பா தா்ஹா கடற்கரைப் பகுதியில் மூன்று சாக்கு மூட்டைகளை இருவா் படகில் ஏற்றிக் கொண்டிருந்தது தெரியவந்தது. இதையடுத்து, போலீஸாா் வருவதைக் கண்ட மா்ம நபா்கள் அந்த மூட்டைகளை அங்கேயே போட்டுவிட்டு தப்பினா். பின்னா், போலீஸாா் மூட்டைகளைப் பிரித்து பாா்த்த போது, காலணி உதிரிப் பாகங்கள் இருந்ததும், இவற்றை இலங்கைக்கு கடத்தவிருந்ததும் தெரியவந்தது.
இதையடுத்து, காலணி உதிரிப் பாகங்கள் மூட்டைகள், கடத்தலுக்குப் பயன்படுத்திய இரண்டு இரு சக்கர வாகனங்களை போலீஸாா் பறிமுதல் செய்து, தப்பியோடிய இருவரைத் தேடி வருகின்றனா்.
