திருப்பத்தூரில் இளைஞா் வெட்டிக் கொலை செய்யப்பட்ட சம்பவம் தொடா்பாக 8 பேரை போலீஸாா் ஞாயிற்றுக்கிழமை கைது செய்தனா்.
சிவகங்கை மாவட்டம், திருப்பத்தூா் மின்நகா் பகுதியைச் சோ்ந்த மாணிக்கம் மகன் சண்முகநாதன் (28), அரசு மருத்துவமனை அருகே கடந்த வெள்ளிக்கிழமை இரவு வெட்டிக் கொலை செய்யப்பட்டாா்.
இதுகுறித்து திருப்பத்தூா் போலீஸாா் வழக்குப் பதிவு செய்து விசாரணை நடத்தினா். இதில் சீதளி வடகரையைச் சோ்ந்த பூமிநாதன் (25), காந்திநகரைச் சோ்ந்த பத்மசீனிவாசன் (24), ஜே.ஜே.நகரைச் சோ்ந்த காா்த்திகேயன் (20), பிரபாகா் காலனியைச் சோ்ந்த சீனிவாசன் (27), வசந்த் (20), காமராஜா் காலனியைச் சோ்ந்த சரவணன் (18), பிரபாகா் காலனியைச் சோ்ந்த உதயா (18), 17 வயது சிறுவன் ஆகிய 8 பேரை போலீஸாா் ஞாயிற்றுக்கிழமை கைது செய்தனா்.
திருப்பத்தூரில் கடந்த 10 மாதங்களுக்கு முன்பு விக்கி என்ற விக்னேஸ்வரன் கொலை செய்யப்பட்ட சம்பவத்துக்கு பழி வாங்கும் வகையில் சண்முகநாதன் கொலை செய்யப்பட்டதாக போலீஸாா் தெரிவித்தனா்.
