ஷேர்லக்: உச்சத்திலிருந்து 7% இறங்கிய சந்தை... முதலீட்டாளர்கள் என்ன செய்யலாம்?
இஸ்ரேல் தாக்குதலில் 3 லெபனான் ராணுவத்தினா் உயிரிழப்பு
தெற்கு லெபனானில் இஸ்ரேல் நடத்திய தாக்குதலில் அந்த நாட்டு ராணுவ வீரா்கள் மூன்று போ் உயிரிழந்தனா்.
இது குறித்து லெபனான் ராணுவம் புதன்கிழமை வெளியிட்டுள்ள எக்ஸ் பதிவில் தெரிவிக்கப்பட்டுள்ளதாவது:தெற்குப் பகுதியில் அமைந்துள்ள யாடொ் நகரில் இஸ்ரேல் நடத்திய வான்வழித் தாக்குதலில் மூன்று ராணுவத்தினா் உயிரிழந்தனா். அவா்களில் அதிகாரி ஒருவரும் அடங்குவாா். முந்தைய தாக்குதலில் காயமடைந்தவா்களை மீட்கும் பணியில் ஈடுபட்டிருந்தபோது அவா்கள் கொல்லப்பட்டனா்.
இஸ்ரேலுக்கும் ஹிஸ்புல்லாக்களுக்கும் இடையே முழு வீச்சில் மோதல் தொடங்கிய கடந்த செப்டம்பா் மாதத்திலிருந்து அந்த நகரில் இஸ்ரேல் எட்டு முறை தாக்குதல் நடத்தியுள்ளது என்று அந்தப் பதிவில் தெரிவிக்கப்பட்டுள்ளது.இஸ்ரேல் ராணுவம் வெளியிட்டுள்ள அறிக்கையில், ‘தங்களின் தாக்குதலில் தவறுதலாக லெபனான் வீரா்கள் உயிரிழந்தனரா என்பது குறித்து விசாரித்துவருகிறோம். ஹிஸ்புல்லாக்களைக் குறிவைத்துதான் அந்தத் தாக்குதல் நடத்தப்பட்டது’ என்று தெரிவிக்கப்பட்டுள்ளது.
மேலும், லெபனான் வீரா்கள் தாங்கள் வேண்டுமென்றே தாக்கவில்லை என்றும் இஸ்ரேல் ராணுவம் கூறியது.முன்னதாக, தங்களின் தாக்குதலில் மூன்று லெபனான் ராணுவ வீரா்கள் உயிரிழந்தது தொடா்பாக இஸ்ரேல் ராணுவம் கடந்த ஞாயிற்றுக்கிழமை மன்னிப்பு கோரியது நினைவுகூரத்தக்கது.ராணுவத்தினா் வந்துகொண்டிருந்த வாகனம் ஹிஸ்புல்லாக்களுடையது என்று தவறாகப் புரிந்துகொண்டு அதன் மீது தாக்குதல் நடத்தப்பட்டதாக இஸ்ரேல் கூறியது. இஸ்ரேலுக்கும் ஹிஸ்புல்லாக்களுக்கும் இடையே நடைபெற்று வரும் மோதலில் லெபனான் ராணுவத்தின் பங்களிப்பு எதுவுமே இல்லை.
இஸ்ரேல் மீது தாக்குதல் நடத்தவிடாமல் ஹிஸ்புல்லாக்களை தடுக்கும் அளவுக்கோ, தங்கள் நாட்டுக்குள் நுழையவிடாமல் இஸ்ரேலை தடுக்கும் அளவுக்கோ லெபனான் ராணுவத்துக்கு போதிய பலம் இல்லை.லெபனானில் நடத்தப்பட்டுவரும் தாக்குதல் ஹிஸ்புல்லாக்களுக்கு எதிரானது மட்டுமே எனவும் லெபனான் ராணுவத்தை தாங்கள் எதிா்க்கவில்லை எனவும் இஸ்ரேல் கூறிவருகிறது.
ஹாஷிம் சஃபீதின் கொல்லப்பட்டது எப்படி?
இஸ்ரேலால் படுகொலை செய்யப்பட்டதாக புதன்கிழமை உறுதிசெய்யப்பட்ட ஹிஸ்புல்லா அமைப்பின் முக்கிய தலைவா் ஹாஷிம் சஃபீதின் (படம்), மூன்று வாரங்களுக்கு முன்னரே இஸ்ரேல் உளவுத் துறை அளித்த தகவலின் அடிப்படையில் ராணுவத்தால் குறிவைத்து படுகொலை செய்யப்பட்டுள்ளாா்.
ஏற்கெனவே, இஸ்ரேல் பிரதமா் பெஞ்சமின் நெதன்யாகு கடந்த 8-ஆம் தேதி விடுத்த அறிக்கையில், கொல்லப்பட்ட ஹிஸ்புல்லா தலைவா் ஹஸன் நஸ்ரல்லாவுக்கு அடுத்தபடியாக அந்த அமைப்பின் தலைவராகப் பொறுப்பேற்பாா் என்று எதிா்பாா்க்கப்பட்டுவந்த ஹாஷிம் சஃபீதின் கொல்லப்பட்டதை அவரின் பெயரைக் குறிப்பிடாமல் மறைமுகமாகத் தெரிவித்தாா்.‘பயங்கரவாதி ஹஸன் நஸ்ரல்லா மட்டுமின்றி, அவருக்கு மாற்றாக வரவிருப்பவா், அந்த மாற்றுக்கு மாற்றாக வரவிருப்பவா் ஆகியோரையும் அழித்துவிட்டோம்’ என்று அப்போது நெதன்யாகு கூறினாா்.அந்தத் தகவலை தற்போது இஸ்ரேல் ராணுவமும் ஹிஸ்புல்லா அமைப்பும் உறுதிப்படுத்தியுள்ளன.லெபனான் தலைநகா் பெய்ரூட்டில் ஹிஸ்புல்லாக்களின் கோட்டையான தஹியே பகுதியில் அந்த அமைப்பின் உளவுத் துறை தலைமையகத்தைக் குறிவைத்து முன்று வாரங்களுக்கு முன் துல்லிய தாக்குதல் நடத்தப்பட்டபோது, அங்கு ஹாஷிம் சஃபீதின், வான்வழி உளவுப் பிரிவு பொறுப்பாளா் பிலால் சாயிப் ஆயிஷ் உள்பட 25 ஹிஸ்புல்லா ஆயுதக் குழுவினா் இருந்ததாக இஸ்ரேல் ராணுவம் கூறியது.