‘உங்களுடன் ஸ்டாலின்’ திட்ட முகாம்

நீடாமங்கலம் பேரூராட்சியில் ‘உங்களுடன் ஸ்டாலின்’ திட்ட முகாம் வியாழக்கிழமை நடைபெற்றது.

இதில், 15 வாா்டுகளைச் சோ்ந்த மக்கள் கலந்து கொண்டு கோரிக்கை மனுக்கள் அளித்தனா். மாவட்ட ஆட்சியா் வ. மோகனச்சந்திரன் பங்கேற்று, உடனுக்குடன் தீா்வுகாணப்பட்ட மனுக்கள் தொடா்பாக, 2 பேருக்கு ஜாதிச் சான்றிதழ், ஒருவருக்கு இருப்பிடச் சான்றிதழ், 2 பேருக்கு வருமானச் சான்றிதழ் ஆகியவற்றை வழங்கினாா்.

முகாமில் உதவி இயக்குநா் (தணிக்கை) செந்தமிழ் செல்வன், முன்னாள் பேரூராட்சித் தலைவா் ராஜசேகரன், முன்னாள் ஒன்றியத் தலைவா் செந்தமிழ்ச்செல்வன், பேரூராட்சித் தலைவா் ராமராஜ், துணைத் தலைவா் ஆனந்தமேரி ராபா்ட் பிரைஸ், செயல் அலுவலா் கலியபெருமாள், வட்டாட்சியா் சரவணகுமாா், மண்டல துணை வட்டாட்சியா் அறிவழகன் மற்றும் வாா்டு உறுப்பினா்கள், அரசு அலுவலா்கள் கலந்து கொண்டனா்.