உங்களைத் தேடி உங்கள் ஊரில் திட்ட முகாம்: காயல்பட்டினம், ஆத்தூரில் ஆட்சியா் ஆய்வு

உங்களைத் தேடி உங்கள் ஊரில்’ திட்டத்தின் கீழ் ஆத்தூா், காயல்பட்டினம் பகுதியில் நடைபெற்ற முகாமில் ஆட்சியா் க. இளம்பகவத் வியாழக்கிழமை ஆய்வு மேற்கொண்டாா்.

ஆத்தூா் பேரூராட்சி அலுவலகத்தில் உள்ள மேல்நிலை நீா்த்தேக்க தொட்டியில் குடிநீரில் குளோரின் அளவு சரியாக பயன்படுத்தி மக்களுக்கு குடிநீா் விநியோகம் செய்யப்படுகிா என ஆய்வு செய்தாா்.

தொடா்ந்து கால்நடை மருத்துவமனையில் கால்நடைகளுக்கு தடுப்பூசி செலுத்தப்படுவதை பாா்வையிட்டு, ஊட்டச்சத்துக்கள் வழங்குவது குறித்து கேட்டறிந்தாா். பின்னா் ஆற்றங்கரை முஸ்லி­ம் தெருவில் அமைந்துள்ள ஒன்றிய நடுநிலைப் பள்ளியில் முதலமைச்சா் காலை உணவு திட்டத்தில் மாணவ மாணவியருக்கு வழங்கப்படும் உணவை ஆய்வு செய்து, பள்ளி மாணவ- மாணவிகளுடன் அமா்ந்து உணவு அருந்தினாா்.

ஆய்வின் போது திருச்செந்தூா் வட்டாட்சியா் பாலசுந்தரம், ஆத்தூா் பேரூராட்சித் தலைவா் ஏ.கே.கமால்தீன், செயல் அலுவலா் பாபு (பொ), ஆத்தூா் வருவாய் ஆய்வாளா் பிரேம கீதா, கால்நடை மருத்துவா் செந்தில் கண்ணன், பள்ளி தலைமை ஆசிரியா் தேவசகாயம் உள்ளிட்டோா் உடனிருந்தனா்.

மேலும், காயல்பட்டினத்தில் கட்டப்பட்டு வரும் பல்நோக்கு அரசு மருத்துவமனை கட்டடப் பணிகளை ஆய்வு செய்ததோடு மருத்துவமனையில் அனைத்துப் பிரிவுகளுக்கும் சென்று நோயாளிகளுக்கு அளிக்கப்படும் சிகிச்சைகள் குறித்து மருத்துவா்களிடம் கேட்டறிந்தாா்.