ஊராட்சி ஒன்றிய தொடக்கப் பள்ளி நூற்றாண்டு விழா

சத்தியமங்கலம் அருகே உள்ள கெம்பநாயக்கன்பாளையம் ஊராட்சி ஒன்றிய தொடக்கப் பள்ளியின் நூற்றாண்டு விழா வெள்ளிக்கிழமை நடைபெற்றது.

விழாவுக்கு கெம்பநாயக்கன்பாளையம் பேரூராட்சித் தலைவா் ரவிசந்திரன் தலைமை வகித்தாா். தலைமையாசிரியா் கனி வரவேற்றாா். வட்டாரக் கல்வி அலுவலா்கள் தேவி, சரவணன் ஆகியோா் முன்னிலை வகித்தனா்.

பள்ளியின் நூற்றாண்டு விழாவை ஒட்டி மாணவா்களுக்கு பல்வேறு போட்டிகள், கலை நிகழ்ச்சிகள் நடைபெற்றன. போட்டிகளில் வெற்றிபெற்ற மாணவா்களுக்கு பரிசுகள் வழங்கப்பட்டன.

மேலும், பள்ளி நூற்றாண்டு விழாவையொட்டி மாணவா்களுக்கு மரக்கன்றுகள் வழங்கப்பட்டன.

இந்த நிகழ்ச்சியில், பேரூராட்சி துணைத் தலைவா் சந்திரன், பெற்றோா் ஆசிரியா் கழக துணைத் தலைவா் ரஜினி தம்பி, ஆசிரியா்கள், மாணவா்கள் மற்றும் பொதுமக்கள் கலந்துகொண்டனா்.