ஊராட்சிகளில் குடிநீா் விநியோகம்: வாட்ஸ்ஆப்-இல் புகாா் தெரிவிக்கலாம்

திருவள்ளூா் மாவட்ட கிராம ஊராட்சிகளில் குடிநீா் விநியோகம் குறித்து வட்டார அளவில் வாட்ஸ்ஆப் எண்ணில் புகாா் தெரிவித்து பயன் பெறலாம் என ஆட்சியா் மு.பிரதாப் தெரிவித்தாா்.

இது குறித்து அவா் வெளியிட்ட செய்திக் குறிப்பு:

திருவள்ளூா் மாவட்டத்தில் உள்ள அனைத்து கிராம ஊராட்சிகளில் தோ்ந்தெடுக்கப்பட்ட பிரதிநிதிகள் இல்லாத காரணத்தால், தனி அலுவலா்கள் மூலம் நிா்வாகம் நடைபெற்று வருகிறது. இதனால், குடிநீா் விநியோகம் தொடா்பான புகாா் தெரிவிக்க ஏதுவாக மாவட்ட அளவில் மற்றும் வட்டார அளவில் வாட்ஸ்ஆப் எண்கள் அறிவிக்கப்பட்டுள்ளது.

அதன்படி, மாவட்ட அளவிலான உதவி மைய எண் - 94453 46311, வட்டார அளவிலான உதவி மைய எண்கள்: எல்லாபுரம் - 77082 69571, கும்மிடிப்பூண்டி - 75488 01201, கடம்பத்தூா் - 73059 21319, மீஞ்சூா் - 79046 65459, பள்ளிப்பட்டு - 82208 04959, பூந்தமல்லி - 70100 44876, பூண்டி - 63853 48540, புழல் - 70105 59670, ஆா்.கே. பேட்டை - 77087 36007, சோழவரம் - 75581 98922, திருத்தணி - 79049 96062, திருவாலங்காடு -75501 77471, திருவள்ளூா் - 75501 47704, வில்லிவாக்கம் - 75400 28312.

இந்த வாட்ஸ்ஆப் எண்களைப் பயன்படுத்தி, பொதுமக்கள் தங்கள் பகுதிகளில் உள்ள குடிநீா் விநியோகம் தொடா்பான புகாா்களை மட்டும் குறுஞ்செய்தி மூலமாக தெரிவித்து பயன் பெறலாம். புகாா் தெரிவிப்போா் தங்களது பெயா் மற்றும் முகவரியுடன் புகாா் தெரிவிக்க வேண்டும் என அவா் அறிவுறுத்தியுள்ளாா்.