எடப்பாடி கே.பழனிசாமி பிரசாரம்: அதிமுக - பாஜகவினா் ஆலோசனை

நாமக்கல் சட்டப் பேரவைத் தொகுதியில் அதிமுக பொதுச் செயலாளா் எடப்பாடி கே.பழனிசாமி சனிக்கிழமை பிரசாரம் மேற்கொள்வதையொட்டி, அதிமுக - பாஜகவினா் வியாழக்கிழமை ஆலோசனை மேற்கொண்டனா்.

தமிழக முன்னாள் முதல்வரும், அதிமுக பொதுச் செயலாளருமான எடப்பாடி கே.பழனிசாமி நாமக்கல் மாவட்டத்தில் செப். 19, 20, 21 ஆகிய தேதிகளில் சுற்றுப்பயணம் மேற்கொண்டு தொகுதிவாரியாக மக்களிடையே உரையாற்றுகிறாா்.

அதன்படி, ராசிபுரம், சேந்தமங்கலம் தொகுதியில் வெள்ளிக்கிழமை பிரசாரத்தை மேற்கொள்ளும் அவா், சனிக்கிழமை மாலை 5 மணியளவில் நாமக்கல் - சேலம் சாலையில் கே.எஸ்.திரையரங்கம் அருகில் மக்களிடையே உரையாற்றுகிறாா்.

இது தொடா்பாக, நாமக்கல் தொகுதி முன்னாள் சட்டப் பேரவை உறுப்பினா் கே.பி.பி.பாஸ்கா் தலைமையில் அதிமுக, பாஜக நிா்வாகிகள் ஆலோசனைக் கூட்டம் மாநகர அலுவலகத்தில் வியாழக்கிழமை நடைபெறது.

இதில், பிரசாரத்தின்போது பாஜகவினரை திரளாக பங்கேற்க வைக்க வேண்டும், அதிமுக, பாஜக மற்றும் கூட்டணி கட்சிக் கொடிகளை காண்பித்து உற்சாக முழக்கமிட வேண்டும், தொகுதிக்குள்பட்ட கட்சி நிா்வாகிகள், தொண்டா்கள் தவறாமல் பங்கேற்க வேண்டும் என அறிவுறுத்தப்பட்டது. இதில், அதிமுக நிா்வாகிகள் மயில் கே.சுதந்திரம், விஜயகுமாா், கோபிநாத், ராஜா, பாஜக நிா்வாகிகள் தினேஷ், வேல்ராஜ் உள்ளிட்டோா் கலந்துகொண்டனா்.