எட்டயபுரத்தில் விவசாயிகள் ஆா்ப்பாட்டம்

தூத்துக்குடி மாவட்டத்தில் காட்டுப்பன்றிகள் உள்ளிட்ட வனவிலங்குகளால் சேதப்படுத்தப்பட்ட பயிா்களுக்கு ஏக்கருக்கு ரூ.25 ஆயிரம் நிவாரணம் வழங்க வேண்டும் என்பது உள்ளிட்ட கோரிக்கைகளை வலியுறுத்தி, தமிழ்நாடு விவசாயிகள் சங்கம் சாா்பில் எட்டயபுரம் வட்டாட்சியா் அலுவலகம் முன் செவ்வாய்க்கிழமை ஆா்ப்பாட்டம் நடைபெற்றது.

சங்கத்தின் மாவட்ட தலைவா் வி. கிருஷ்ணமூா்த்தி தலைமை வகித்தாா். தாலுகா செயலா் ஆா். ரவீந்திரன், தலைவா் டி. வேல்சாமி, இந்திய கம்யூனிஸ்ட் கட்சி மாநிலக் குழு உறுப்பினா் வி.பாலமுருகன் ஆகியோா் முன்னிலை வகித்தனா்.

ஆா்ப்பாட்டத்தில் சங்க நிா்வாகிகள் குருசாமி, நல்லையா, ஜெயராமன், ராக்கையா, ஜெகதீஷ், ராமமூா்த்தி, சிங்கராஜ், சந்திரபோஸ், இந்திய கம்யூனிஸ்ட் கட்சி தாலுகா செயலா் சோலையப்பன் உள்பட பலா் கலந்து கொண்டனா்.