ஏப்.1 இல் நீச்சல் பயிற்சி முகாம் தொடக்கம்
தருமபுரி செந்தில் நகரில் உள்ள ராஜாஜி நீச்சல் குளத்தில் மாணவ, மாணவிகளுக்கு நீச்சல் பயிற்சி முகாம் ஏப். 1-ஆம் தேதி முதல் தொடங்கி நடைபெறவுள்ளது.
இதுகுறித்து மாவட்ட விளையாட்டு அலுவலகம் சாா்பில் வியாழக்கிழமை வெளியிட்ட செய்திக் குறிப்பு:
தமிழ்நாடு விளையாட்டு மேம்பாட்டு ஆணையம், தருமபுரி பிரிவு சாா்பாக பள்ளி, கல்லூரி மாணவ மாணவிகள், பொதுமக்கள் பயன்பெறும் வகையில் நீச்சல் பழகுதல் திட்டம் செயல்படுத்தப்பட்டு வருகிறது.
அதனடிப்படையில் முதற்கட்ட நீச்சல் பயிற்சி முகாம் ஏப்.1-ஆம் தேதி முதல் 13 ஆம் தேதி வரையும், இரண்டாம் கட்ட நீச்சல் பயிற்சி முகாம் ஏப்.15 முதல் 27 ஆம் தேதி வரையும், மூன்றாம் கட்ட பயிற்சி முகாம் ஏப்.29 முதல் மே 11 வரையும், நான்காம் கட்ட பயிற்சி முகாம் மே 13 முதல் 25 வரையும், ஐந்தாம் கட்ட பயிற்சி முகாம் மே 27 முதல் ஜூன் 8 வரையிலும் ராஜாஜி நீச்சல் குளத்தில் நடைபெறவுள்ளது.
இதில் காலை 7 மணி முதல் 8 மணி வரை, காலை 8 மணி முதல் 9 மணி வரை, மாலை 4.30 மணி முதல் 5.30 மணி வரை மாணவா்கள், ஆண்களுக்கும், காலை 9 மணி முதல் 10 மணி வரை மாணவிகள் மற்றும் பெண்களுக்கும் பயிற்சி வகுப்புகள் நடைபெறும்.
நீச்சல் பயிற்சி கட்டணமாக ரூ. 1770 இணையவழி வாயிலாகச் செலுத்துதல் வேண்டும். இதற்கான விண்ணப்பத்தை நீச்சல் குள வளாகத்தில் உள்ள அலுவலகத்தில் பெற்றுக் கொள்ளலாம்.
எனவே, தருமபுரி மாவட்டத்தில் உள்ள பள்ளி, கல்லூரி மாணவ, மாணவிகள், பொதுமக்கள் இந்த வாய்ப்பை பயன்படுத்திக் கொள்ளுமாறு கேட்டுக் கொள்ளப்படுகிறது என அதில் தெரிவிக்கப்பட்டுள்ளது.