கரூரில் ஏலச்சீட்டில் பணம் கட்டி ஏமாற்றமடைந்தவா்கள் திங்கள்கிழமை ஆட்சியரகம் முன் தா்னா போராட்டத்தில் ஈடுபட்டனா்.
கரூா் மாவட்டம், குளித்தலையை அடுத்த முதலைப்பட்டியைச் சோ்ந்த வினோத் என்பவா் தோகைமலை, தரகம்பட்டி, பேட்டைவாய்த்தலை ஆகிய இடங்களில் பா்னிச்சா் கடை மற்றும் ஏலச்சீட்டு நடத்தி வந்துள்ளாா்.
இவரிடம் கடந்த ஓராண்டாக பல்வேறு பகுதிகளைச் சோ்ந்த சுமாா் 300-க்கும் மேற்பட்டோா் ஏலச்சீட்டில் பணம் செலுத்தி வந்துள்ளனா். ஒவ்வொருவரும் மாதம் ரூ. 2 ஆயிரம் முதல் ரூ. 1 லட்சம் வரை பணம் செலுத்தி வந்ததாக கூறப்படுகிறது.
இந்நிலையில், கடந்த இரு மாதங்கள்வரை சீட்டுப்பணம் செலுத்தியவா்களுக்கு வினோத் முறையாக பணம் கொடுத்து வந்தாராம். ஆனால், கடந்த மாதம் முதிா்வுத் தொகையை சிலா் கேட்டபோது பணம் தராமல் இழுத்தடித்து வந்ததாக கூறப்படுகிறது. இந்நிலையில் கடந்த இரு வாரங்களுக்கு முன் பா்னிச்சா் கடைகளை மூடிவிட்டு, வினோத் தலைமறைவானாராம்.
இதனால் ஏலச்சீட்டில் பணம் செலுத்தி ஏமாற்றமடைந்தவா்கள் தோகைமலை, குளித்தலை காவல்நிலையங்களிலும், மாவட்ட காவல் கண்காணிப்பாளா் அலுவலகத்திலும் புகாா் அளித்தும் இதுவரையில் எந்தவித நடவடிக்கையும் எடுக்கவில்லையாம்.
இதைத்த தொடா்ந்து, பாதிக்கப்பட்டோா் திங்கள்கிழமை மாவட்ட ஆட்சியரகத்தில் கோரிக்கை மனு அளிக்க வந்தனா். அப்போது, திடீரென ஆட்சியரக நுழைவுவாயில் முன் அமா்ந்து தா்னா போராட்டத்தில் ஈடுபட்டனா். பின்னா், போலீஸாரின் பேச்சுவாா்த்தையையடுத்து, ஆட்சியரிடம் கோரிக்கை மனு அளித்து விட்டுச் சென்றனா்.
