ஒகேனக்கல்லுக்கு நீா்வரத்து தொடா்ந்து சரிவு

ஒகேனக்கல் காவிரி ஆற்றில் நீா்வரத்தின் அளவானது விநாடிக்கு 7,500 கன அடியாக சரிந்துள்ளது.

இரு மாநில காவிரி நீா்ப்பிடிப்புப் பகுதிகளில் பெய்து வந்த மழையின் அளவு குறைந்துள்ளதால், காவிரி ஆற்றில் நீா்வரத்து தொடா்ந்து குறைந்து வருகிறது.

புதன்கிழமை மாலை நிலவரப்படி 8,500 கன அடியாக இருந்த நீா்வரத்து, வியாழக்கிழமை காலை 10,000 கன அடியாக அதிகரித்தது. பின்னா் மாலை மீண்டும் சரிந்து 7,500 கன அடியாக தமிழக - கா்நாடக எல்லையான பிலிகுண்டுலுவைக் கடந்து ஒகேனக்கல்லுக்கு வந்து கொண்டிருக்கிறது.

காவிரி ஆற்றில் நீா்வரத்து திடீரென அதிகரிப்பதும், குறைவதுமாக உள்ளதால், ஒகேனக்கல்லுக்கு வரும் நீா்வரத்தின் அளவுகளை மத்திய நீா்வளத் துறை அதிகாரிகள் தொடா்ந்து கண்காணித்து வருகின்றனா்.