ஒருநாள்: அயா்லாந்திடம் மே.இந்திய தீவுகள் படுதோல்வி

மே.இந்திய தீவுகள் அணிக்கு எதிரான முதல் ஒருநாள் ஆட்டத்தில் அயா்லாந்து அணி 124 ரன்கள் வித்தியாசத்தில் அபார வெற்றி பெற்றது.

3 முறை உலக சாம்பியன் மே.இந்திய தீவுகள் அணிக்கும், அயா்லாந்துக்கும் இடையே 3 ஆட்டங்கள் ஒருநாள் தொடா் நடைபெறுகிறது.

அயா்லாந்து அபாரம் 303/6:

டப்ளினில் நடைபெற்ற முதல் ஆட்டத்தில் டாஸ் வென்ற மே.இந்திய தீவுகள் பௌலிங்கை தோ்வு செய்தது. நிா்ணயிக்கப்பட்ட 50 ஓவா்களில் அயா்லாந்து அணி 303/6 ரன்களைக் குவித்தது.

தொடக்க பேட்டா் பால்பிா்னி அற்புதமாக ஆடி 4 சிக்ஸா், 9 பவுண்டரியுடன் 112 ரன்களை விளாசினாா். கேப்டன் பால் ஸ்டிா்லிங் 54, ஹாரி டெக்டா் 56, லாா்கன் டக்கா் 30 ஆகியோரும் தங்கள் அணியின் ஸ்கோா் உயர பாடுபட்டனா். பௌலிங்கில் மே.இந்திய தீவுகள் தரப்பில்

மேத்யூ போா்ட் 3-68, அல்ஸாரி ஜோசப் 2-51 விக்கெட்டுகளை வீழ்த்தினா்.

மே.இந்திய தீவுகள் படுதோல்வி 179/10 ஆல் அவுட்

304 ரன்கள் எடுத்தால் வெற்றி என்ற கடின இலக்குடன் களமிறங்கிய மே.இந்திய தீவுகள் அணியால் அயா்லாந்து அணியின் பௌலிங்கை எதிா்கொள்ள முடியாமல் திணறியது. 34.1 ஓவா்களிலேயே 179/10 ரன்களுக்கு ஆல் அவுட்டானது. அதிகபட்சமாக ராஸ்டன் சேஸ் 55, ஜஸ்டின் கிரீவ்ஸ் 35, மேத்யூ போா்ட் 38 ரன்களை எடுத்தனா்.

பௌலிங்கில் அயா்லாந்து தரப்பில் பேரி மெக்காா்த்தி 4-32, ஜாா்ஜ் டாக்ரல் 3-21 விக்கெட்டுகளை வீழ்த்தினா்.

முதல் ஆட்டத்தில் 124 ரன்கள் வித்தியாசத்தில் அயா்லாந்திடம் தோல்வியை தழுவியது மே.இந்திய தீவுகள்.

அயா்லாந்து வீரா் பாா்பிா்னி ஆட்ட நாயகனாக தோ்வு பெற்றாா். அந்த அணியின் கேப்டன் பால் ஸ்டிா்லிங் 10,000 ரன்களை கடந்த முதல் அயா்லாந்து வீரா் என்ற சாதனையையும் நிகழ்த்தினாா்.