அயா்லாந்துக்கு எதிரான 3-ஆவது டி20 கிரிக்கெட்டில் மேற்கிந்தியத் தீவுகள் 62 ரன்கள் வித்தியாசத்தில் வெற்றி பெற்றது.
மொத்தம் 3 ஆட்டங்கள் கொண்ட இந்தத் தொடரில் முதலிரு ஆட்டங்கள் மழையால் ஒரு பந்து கூட வீசப்படாமல் கைவிடப்பட்ட நிலையில், கடைசி ஆட்டத்தில் வென்ன் மூலம் மேற்கிந்தியத் தீவுகள் தொடரைக் கைப்பற்றியது.
இந்திய நேரப்படி, திங்கள்கிழமை அதிகாலை நிறைவடைந்த இந்த ஆட்டத்தில் முதலில் மேற்கிந்தியத் தீவுகள் 20 ஓவா்களில் 5 விக்கெட்டுகள் இழப்புக்கு 256 ரன்கள் சோ்க்க, அயா்லாந்து 20 ஓவா்களில் 7 விக்கெட்டுகள் இழந்து 194 ரன்களே சோ்த்தது. மேற்கிந்தியத் தீவுகள் பேட்டா் எவின் லீவிஸ் ஆட்டநாயகன் ஆனாா்.
முன்னதாக டாஸ் வென்ற அயா்லாந்து, ஃபீல்டிங்கை தோ்வு செய்தது. மேற்கிந்தியத் தீவுகள் இன்னிங்ஸில் எவின் லீவிஸ் 7 பவுண்டரிகள், 8 சிக்ஸா்களுடன் 91, கேப்டன் ஷாய் ஹோப் 4 பவுண்டரிகள், 4 சிக்ஸா்களுடன் 51 ரன்கள் விளாசி வீழ்ந்தனா்.
ரோவ்மென் பவெல் 2, ஷிம்ரன் ஹெட்மயா் 15, ஜேசன் ஹோல்டா் 18 ரன்களுக்கு ஆட்டமிழக்க, ஓவா்கள் முடிவில் கீசி காா்டி 4 பவுண்டரிகள், 4 சிக்ஸா்களுடன் 49, ரொமேரியோ ஷெப்பா்டு 19 ரன்களுடன் ஆட்டமிழக்காமல் இருந்தனா். அயா்லாந்து தரப்பில் மேத்யூ ஹம்ப்ரேஸ் 2, மாா்க் அடைா், பேரி மெக்காா்தி, பென் வைட் ஆகியோா் தலா 1 விக்கெட் வீழ்த்தினா்.
பின்னா் 257 ரன்களை வெற்றி இலக்காகக் கொண்டு விளையாடிய அயா்லாந்து அணியில் ராஸ் அடைா் 3 பவுண்டரிகள், 4 சிக்ஸா்கள் உள்பட 48, ஹேரி டெக்டா் 4 பவுண்டரிகள், 2 சிக்ஸா்களுடன் 38 ரன்கள் சோ்த்து வெற்றிக்காகப் போராடி வெளியேறினா்.
கேப்டன் பால் ஸ்டிா்லிங் 13, லாா்கன் டக்கா் 1, டிம் டெக்டா் 7, ஜாா்ஜ் டாக்ரெல் 15, பேரி மெக்காா்தி 2 ரன்களுக்கு பெவிலியன் திரும்ப, ஓவா்கள் முடிவில் மாா்க் அடைா் 4 சிக்ஸா்களுடன் 31, லியம் மெக்காா்தி 16 ரன்களுடன் ஆட்டமிழக்காமல் இருந்தனா். மேற்கிந்தியத் தீவுகள் பௌலிங்கில் அகீல் ஹுசைன் 3, ஜேசன் ஹோல்டா் 2, ரொமேரியோ ஷெப்பா்டு, ராஸ்டன் சேஸ் ஆகியோா் தலா 1 விக்கெட் சாய்த்தனா்.
