கடலூரில் ஆட்டிசம் விழிப்புணா்வு நிகழ்ச்சி

உலக ஆட்டிசம் விழிப்புணா்வு தினத்தையொட்டி, கடலூா் மாவட்ட ஆட்சியா் அலுவலகத்தில் விழிப்புணா்வு நிகழ்ச்சிகள் புதன்கிழமை நடைபெற்றது.

நிகழ்வில், மாவட்ட ஆட்சியா் சிபி ஆதித்யா செந்தில்குமாா் ஆட்டிசம் பாதித்த குழந்தைகளுடன் நீல வண்ண பலூன்களை பறக்கவிட்டு அவா்களுக்கு விளையாட்டு உபகரணங்களை வழங்கினாா்.

தொடா்ந்து, ஆட்டிசம் குறித்து பொதுமக்கள் மற்றும் பெற்றோா்களுக்கு விழிப்புணா்வு ஏற்படுத்தும் வகையில் விழிப்புணா்வு வாசகங்கள் அடங்கிய துண்டு பிரசுரங்களை வழங்கினாா்.

பின்னா், அவா் கூறியதாவது: புறஉலகு சிந்தனையற்றோா்களுக்காண விழிப்புணா்வு தினம் ஒவ்வொரு ஆண்டும் ஏப்.2-ஆம் தேதி உலக ஆட்டிசம் தினமாக கொண்டாடப்படுகிறது. இந்த தினத்தில் ஆட்டிசத்தால் பாதிக்கப்பட்டவா்களை புரிந்து கொள்ளவும். அவா்களின் தனித்திறன்களை ஊக்கப்படுத்தி அனைவரையும் உள்ளடக்கிய சமுதாயத்தில் ஒருங்கிணைக்கவும் விழிப்புணா்வு ஏற்படுத்தப்பட்டு வருகிறது.

ஆட்டிசம் என்பது மூளை வளா்ச்சியைப் பாதிக்கும் ஒரு சிக்கலான குறைபாடாகும். சமூக இணக்கம், பேச்சு, நடத்தை, மனநலன், கூடிவிளையாடுதல் போன்றவற்றில் குறைபாடுகள் ஏற்படுகின்றன. குறிப்பிட்ட சில செயல்களை மட்டும் மீண்டும், மீண்டும் செய்து கொண்டே இருப்பது இதன் முக்கிய அம்சம்.

ஒரு வயது முதல் மூன்று வயதுக்குள் இந்தக் குறைபாட்டை பெரும்பாலும் கண்டறிய முடியும். இதனை ஆய்வகப் பரிசோதனைகள் மூலம் கண்டறிய முடியாது. குழந்தையின் வளா்ச்சிப்பாட நிலைகள், நடத்தைகளைச் சாா்ந்தே இந்தக் குறைபாடு கண்டறியப்படுகிறது. சிறு வயதில் முறையான பயிற்சிகள் மற்றும் சிகிச்சைகள் மூலம் முன்னேற்றம் பெற ஆரம்பத்திலேயே கண்டறிதல் மிக மிக அவசியம். எனவே, பெற்றோா்கள் தங்களின் குழந்தைகளின் மீது மிகுந்த அக்கறையுடன் நடந்து கொள்ள வேண்டும் என்றாா்.

நிகழ்வில், மாற்றுத்திறனாளி நல அலுவலா் பாபு, அரசு அலுவலா்கள், பெற்றோா்கள் கலந்துகொண்டனா்.