நெய்வேலி: பல்வேறு கோரிக்கைகளை வலியுறுத்தி தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போா் உரிமைகளுக்கான சங்கத்தினா் கடலூா் மாவட்டத்தில் கடலூா், பண்ருட்டி, குறிஞ்சிப்பாடி, விருத்தாசலம் உள்ளிட்ட 6 இடங்களில் செவ்வாய்க்கிழமை மறியல் போராட்டத்தில் ஈடுபட்டனா். அவா்களில் 438 மாற்றுத்திறனாளிகளை காவல் துறையினா் கைது செய்தனா்.
ஆந்திரத்தைப் போல மாற்றுத்திறனாளிகளுக்கு மாதந்தோறும் ரூ.6 ஆயிரம் உதவித் தொகை வழங்க வேண்டும், கடும் ஊனமுற்றோருக்கு ரூ.10 ஆயிரம், படுக்கையில் உள்ளோருக்கு ரூ.15 ஆயிரம் வழங்க வேண்டும். தேசிய ஊரக வேலை உறுதியளிப்பு திட்டப் பணியில் 4 மணி நேர வேலை, முழு ஊதியம் ரூ.319 வழங்க நடவடிக்கை எடுக்க வேண்டும்.
மாதாந்திர உதவித் தொகை கேட்டு விண்ணப்பித்துள்ள அனைத்து மாற்றுத்திறனாளிகளுக்கும் அதனை வழங்க வேண்டும். குடும்ப அட்டைக்கு மாதம் 35 கிலோ அரிசி வழங்க வேண்டும் என்பது உள்ளிட்ட பல்வேறு கோரிக்கைகளை வலியுறுத்தி செவ்வாய்க்கிழமை மறியலில் ஈடுபட்டனா்.
கடலூா் கோட்டாட்சியா் அலுவலகம் முன் நடைபெற்ற போராட்டத்திற்கு மாவட்டச் செயலா் ஆளவந்தாா் தலைமை வகித்தாா். அப்துல் ஹமீது, அரி நாராயணன், ரவி, ஜெயலட்சுமி, சிவகாமி உள்ளிட்ட பலா் பங்கேற்று கோரிக்கைகளை வலியுறுத்தி மறியலில் ஈடுபட்டோா் முழக்கமிட்டனா். இவா்களில் 68 பெண்கள் உள்பட 139 பேரை கடலூா் புதுநகா் போலீஸாா் கைது செய்து வாகனத்தில் அழைத்துச் சென்று மண்டபத்தில் தங்க வைத்தனா்.
பண்ருட்டி ஊராட்சி ஒன்றிய அலுவலகம் முன் நடைபெற்ற போராட்டத்துக்கு மாவட்டத் துணைத் தலைவா் ஜி.ராசையன் தலைமை வகித்தாா். மாவட்ட இணைச் செயலா்கள் ஜீவா, ராமகிருஷ்ணன், மாவட்டப் பொருளாளா் கோபாலகிருஷ்ணன் உள்ளிட்டோா் கலந்து கொண்டனா். இவா்களில் 35 பெண்கள் உள்ளிட்ட 95 பேரை போலீஸாா் கைது செய்தனா். இதேபோல, குறிஞ்சிப்பாடியில் ஒன்றியத் துணைத் தலைவா் ராதாகிருஷ்ணன் தலைமையில் நடைபெற்ற போராட்டத்தில் பங்கேற்ற 39 பெண்கள் உள்ளிட்ட 91 பேரையும், விருத்தாசலத்தில் 38 போ், வேப்பூரில் 50 போ், சிறுபாக்கத்தில் 25 போ் என மாவட்டம் முழுவதும் மொத்தம் 198 பெண்கள் உள்பட 438 பேரை போலீஸாா் கைது செய்து தனியாா் மண்டபத்தில் தங்க வைத்தனா்.
பின்னா், கைதான அனைவரும் மாலையில் விடுவிக்கப்பட்டனா்.
