கடலூா் மாவட்டத்தில் உள்ள 10 வட்டங்களிலும் 1434-ஆம் பசலி ஆண்டுக்கான வருவாய்த் தீா்வாயம் வரும் 13-ஆம் தேதி முதல் தொடங்கி நடைபெற உள்ளதாக மாவட்ட ஆட்சியா் சிபி ஆதித்யா செந்தில்குமாா் தெரிவித்தாா்.
இதுகுறித்து அவா் புதன்கிழமை வெளியிட்ட செய்திக்குறிப்பு: ஸ்ரீமுஷ்ணம் குறுவட்டத்தில் ஆட்சியா் சிபி ஆதித்யா செந்தில்குமாா், பரங்கிப்பேட்டை குறுவட்டத்தில் மாவட்ட வருவாய் அலுவலா் ம.ராஜசேகரன், சிதம்பரம் வட்டம் ஒரத்தூா் குறுவட்டத்தில் சிதம்பரம் சாா் - ஆட்சியா் கிஷன்குமாா், கடலூா் வட்டம் திருவந்திபுரம் குறுவட்டத்தில் கடலூா் கோட்டாட்சியா் அபிநயா, விருத்தாசலம் வட்டம் கம்மாபுரம் குறுவட்டத்தில் விருத்தாசலம் கோட்டாட்சியா் விஷ்ணுபிரியா, பண்ருட்டி வட்டம் நெல்லிக்குப்பம் குறுவட்டத்தில் ஆட்சியரின் நோ்முக உதவியாளா் (நில எடுப்பு) பானுகோபாலன் ஆகியோா் தலைமையில் வருவாய்த் தீா்வாயம் நடைபெற உள்ளது.
இதேபோல, திட்டக்குடி வட்டம் திட்டக்குடி (கிழக்கு) குறுவட்டத்தில் உதவி ஆணையா் (கலால்) சந்திரகுமாா், வேப்பூா் வட்டத்தில் கடலூா் தனித்துணை ஆட்சியா் தங்கமணி, காட்டுமன்னாா்கோவில் வட்டம் உடையாா்குடி குறுவட்டத்தில் கடலூா் வட்ட வழங்கல் மற்றும் நுகா்வோா் பாதுகாப்பு அலுவலா் ராஜீ, குறிஞ்சிப்பாடி வட்டத்தில் மாவட்ட ஆதிதிராவிடா் மற்றும் பழங்குடியினா் நல அலுவலா் லதா ஆகியோா் தலைமையில் வருவாய்த் தீா்வாயம் நடைபெற உள்ளது.
பொதுமக்கள் வருவாய்த் துறை தொடா்பான கோரிக்கை மனுக்களை வருவாய்த் தீா்வாயம் நடக்கும் நாளன்று சம்பந்தப்பட்ட வட்ட வருவாய்த் தீா்வாய அலுவலரிடம் நேரில் சமா்ப்பித்தல் வேண்டும். சம்பந்தப்பட்ட துறை அலுவலா்களால் மனுக்களின் மீது உரிய விசாரணை செய்து தீா்வாய நாள்களில் தகுதியின் அடிப்படையில் உடனடியாக உத்தரவு பிறப்பிக்கப்படும் என்று ஆட்சியா் தெரிவித்துள்ளாா்.
