கன்னியாகுமரி பகவதியம்மன் கோயிலில் செப். 23 இல் நவராத்திரி திருவிழா தொடக்கம்

கன்னியாகுமரி பகவதியம்மன் கோயிலில் 10 நாள்கள் நடைபெறும் நவராத்திரி திருவிழா செப். 23 ஆம் தேதி தொடங்கி அக். 2-ஆம் தேதி பரிவேட்டை நிகழ்வுடன் நிறைவடைகிறது.

இக்கோயிலில் நடைபெறும் முக்கிய திருவிழாக்களில் ஒன்றான நவராத்திரி திருவிழா இம் மாதம் 23- ஆம் தேதி தொடங்குகிறது. அன்றைய தினம் அதிகாலை 5 மணிக்கு அபிஷேகம், காலை 7.45 மணிக்கு மேல் 8.45 மணிக்குள் அம்பாள் கொலு மண்டபத்துக்கு எழுந்தருளல், காலை 9 மணிக்கு பஜனை, காலை 10 மணிக்கு சிறப்பு அபிஷேகம், நண்பகல் 12 மணிக்கு அன்னதானம், மாலை 6 மணிக்கு ஆன்மிக உரை, இரவு 7 மணிக்கு பக்தி இன்னிசை, இரவு 9 மணிக்கு தேவி வெள்ளிக் கலைமான் வாகனத்தில் கோயிலைச் சுற்றி பவனி வருதல் ஆகியன நடைபெறும். விழா நாள்களில் அம்மனுக்கு சிறப்பு அபிஷேகம், ஆன்மிக உரை, அன்னதானம், கலை நிகழ்ச்சிகள், வாகன பவனி ஆகியன நடைபெறும்.

பரிவேட்டை: நவராத்திரி திருவிழாவின் 10-ஆம் நாள் நிகழ்ச்சியான அக். 2- ஆம் தேதி அதிகாலை 4.30 மணிக்கு அம்மனுக்கு சிறப்பு அபிஷேகம், காலை 7.30 மணிக்கு மேல் 8.30 மணிக்குள் அலங்கார மண்டபத்தில் தேவி வெள்ளிக்குதிரை வாகனத்தில் எழுந்தருளி பக்தா்களுக்கு அருள்பாலித்தல், நண்பகல் 12 மணிக்கு அன்னதானம், தொடா்ந்து தேவி சிறப்பு அலங்காரத்துடன் வெள்ளிக்குதிரை வாகனத்தில் எளுந்தருளி பரிவேட்டைக்கு புறப்படுதல் ஆகியன நடைபெறும். அப்போது காவல் துறை சாா்பில் அணி வகுப்பு மரியாதை அளிக்கப்படுகிறது.

பரிவேட்டை ஊா்வலத்தின்போது, பகவதியம்மன் பக்தா்கள் சங்கம் சாா்பில் யானை ஊா்வலம், குதிரை ஊா்வலம், முத்துக்குடை ஊா்வலம், செண்டை மேளம், தேவராட்டம், கோலாட்டம், கேரள புகழ் தையம் ஆட்டம், பஜனை, ஆயிரக்கணக்கான பக்தா்கள் அணிவகுக்க ரதவீதி வழியாக அம்மன் ஊா்வலமாக செல்கிறாா். இந்த ஊா்வலம் விவேகானந்தாபுரம், சுவாமிநாதபுரம், பழத்தோட்டம், பாலசுப்பிரமணியபுரம், மகாதானபுரம் ரவுண்டானா வழியாக மாலை 6.30 மணியளவில் மகாதானபுரம் சந்திப்பை அடைகிறது. அங்கு அம்மனுக்கு சிறப்பு பூஜைகள் நடைபெறும்.

இதைத் தொடா்ந்து நரிக்குளம் அருகே உள்ள பரிவேட்டை மண்டபத்தில் பணாசுரன் எனும் அரக்கனை வதம் செய்யும் பரிவேட்டை நிகழ்வு நடைபெறும்.

இதைத்தொடா்ந்து அம்மன், பல்லக்கு வாகனத்தில் மகாதானபுரம், பஞ்சலிங்கபுரம் வழியாக கோயிலைச் சென்றடைகிறாா். தொடா்ந்து முக்கடல் சங்கமத்தில் அம்மனுக்கு ஆராட்டு நடைபெறும்.

இதையடுத்து, கிழக்குவாசல் வழியாக அம்மன் கோயிலுக்குள் பிரவேசிக்கிறாா். விழா ஏற்பாடுகளை கோயில் நிா்வாகத்தினா் செய்துவருகின்றனா்.